Чөлөөлөх дайны шархтай аавын хүү би тусгаар Монгол Улсынхаа төлөө саналаа өгсөн өвөг дээдсээрээ өнөд бахархана

Монголын ард түмэн тусгаар тогтнолынхоо төлөө 1945 оны 10 дугаар сарын 20-ны энэ өдөр 100 хувийн санал өгч бүрэн эрхт туурга тусгаар улсын иргэд болсон түүхтэй.

Боловсролын сайд, УИХ-ын гишүүн Л.Энх-Амгалан:

Энэ өдөр өрх тэргүүлж, өөдлөх цагийн өнгөнд амьдарч асан өвөг дээдсийн минь тусгаар тогтнолынхоо төлөө саналаа өгсөн баримтыг хуваалцаж байна.

Өвөг дээдэс минь 1945 онд Монгол Улсаа туурга тусгаар болох нэн чухал хуудаснаа саналаа өгч байхад миний аав Балжиннямын Лувсанцэрэн эх орныхоо төлөө чөлөөлөх дайнд байлдаж, шархдаж явсан энэ сайхан түүхээр хүү нь би бахархаж байна.

?? Миний аавын аав буюу өвөө Бэхийн Балжиннямын БНМАУ-ын тусгаар тогтнолын төлөө бүх ард түмний санал асуулгад “Хөвсгөл аймгийн Их-Уул сумын 3-р багийн ард Бэхийн Балжиннямын өгсөн саналын хуудас” 1945.10.20-ны өдөр саналаа өгсөн хурууны хээ бүхий түүхэн баримт. / МУҮТА, Х-439, Д-1, ХН-310 /

?? Миний ээжийн аав буюу өвөө Гармаагийн Ойдовын БНМАУ-ын тусгаар тогтнолын төлөө бүх ард түмний санал асуулгад “ Хөвсгөл аймгийн Бүрэн сумын 12 дугаар багийн ард Гармаагийн Ойдовын өгсөн саналын хуудас” 1945.10.20-ны өдөр саналаа өгсөн хурууны хээ бүхий түүхэн баримт. / МУҮТА, Х-439, Д-1, ХН-304 /