О.Саранчулуун: Пара тамирчдынхаа амжилтыг монголчууд бүгдээрээ үзэж, дэмжих хэрэгтэй

УИХ-ын гишүүн О.Саранчулуун:

Манай пара тамирчид тив, дэлхийн тэмцээнд эх орноо төлөөлөн өрсөлдөж, амжилт гаргаж байна. Гэтэл тэдний тэмцээн, амжилтын талаарх мэдээлэл цөөн хүний хүрээнд үлдэж байгааг өөрчлөх хэрэгтэй. Пара спортыг хэзээ тогтмол шууд дамжуулдаг болох, үүнд ямар хэмжээний зардал шаардлагатайг Биеийн тамир, спортын улсын хорооноос тодрууллаа.

Азийн пара наадмыг Монгол Улсад албан ёсны эрхтэйгээр шууд дамжуулж буй телевиз, байгууллага байхгүй байна. Мөн 2024 оны олимп, паралимпын дамжуулалтын эрх авахад зориулж МҮОНТ-ээс улсын төсөвт 2 тэрбум төгрөг тусгуулах санал гаргасан ч дэмжигдээгүй байна.

Харин 2028 оны Лос Анжелесийн олимп, паралимпыг дамжуулах эрхийн үнэ, шаардлагатай төсвийн мэдээлэл одоогоор байхгүй, холбогдох байгууллагаас тодруулж хариу өгөхөөр боллоо. Шууд дамжуулалт дээр анхаарч ажиллана.

Пара тамирчдын хөдөлмөр, ялалт, амжилт бүр олон нийтэд тэгш мэдээлэгдэх ёстой.