Эрт илрүүлэгт хамрагдсан хүүхдүүдийн 8.3 хувь нь "яаралтай тусламж, үйлчилгээ шаардлагатай" хариу гарчээ

Монгол Улсын Ерөнхий сайд Н.Учрал:

Дөрвөн хүүхдийн эцэг хүний хувьд хүүхэд бүр эрүүл өсөж торних нь хамгийн чухал гэж боддог.

Тиймээс хүүхдийн эрт илрүүлгийг санаачилж, улс орон даяар эхлүүлээд байна.

Эрт илрүүлэгт хамрагдах ёстой 3, 6, 11, 15 настай 285,717 хүүхдээс 203,117 хамрагдсан.

136,318 хүүхэд дараагийн шатны эмнэлгийн үзлэгт хамрагджээ.

• 33,913 хүүхэд буюу 26.1 хувь нь хэвийн;
• 31,411 хүүхэд буюу 24.1 хувь нь эрсдэлтэй;
• 53,997 хүүхэд буюу 41.5 хувь нь нэмэлт үзлэг шаардлагатай;
• 10,843 хүүхэд буюу 8.3 хувь нь яаралтай тусламж, эмчилгээ шаардлагатай гэдэг хариу гарлаа.

Хэт тураал, илүүдэл жин, шүдний цооролт зэрэг нь хүүхдүүдийн дунд түгээмэл өвчлөл болжээ.

Эцэг эхчүүд ээ!

Хүүхдээ өвдөхийг хүлээлгүй эрт илрүүлэгт заавал хамруулахыг уриалж байна.

Салбарын яам, эмч, эмнэлгийн ажилтнууд шаардлагатай эмчилгээ, тусламж, зөвлөгөө цаг алдалгүй үзүүлсээр байна.