Ерөнхийлөгчийн илгээлт улс орон даяар хүрлээ

1945 оны Чөлөөлөх дайны ялалтын 80 жилийн ойг тохиолдуулан Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн илгээлт болох архивын баримт бичиг, “Бид ялав” дурсгалын медалийг ахмад дайчдын гэр бүл, үр хүүхдэд гардуулах хүндэтгэлийн арга хэмжээ Орхон аймагт зохион байгуулагдлаа.

Ингэснээр Ерөнхийлөгчийн илгээлт улс орон даяар хүрч, эх орныхоо тусгаар тогтнол, эрх чөлөөний төлөө амь бие, залуу насаа зориулсан ахмад үеийн баатарлаг гавьяаг алдаршуулан мөнхжүүлж, түүхэн үнэнийг хадгалан, эх оронч үзэл, бахархлыг хойч үед өвлүүллээ.

Баатруудын алдар гавьяа үеийн үед мөнхөд дурсагдах болтугай!