О.Номинчимэг: Иргэд 0.7 газраа яаж өмчилж авах юм гэдэг асуудал дээр цаашдаа анхаармаар байна

УИХ-ын чуулганы /2026.11.13/-ны өдрийн хуралдаанаар Газрын тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг хэлэлцсэн юм.

Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүүн О.Номинчимэг:

Газар бол Монгол Улсын хамгийн том баялаг. Бид нар Үндсэн хуульдаа газар төрийн нийтийн өмч, ард түмний мэдэлд байна гээд. Ингээд Үндсэн хуульдаа энэ концепцыг оруулчихсан. Үүнийхээ дагуу бид нар энэ нийтийн өмчийн хууль дээр ажиллаад удахгүй УИХ-аар анхдугаар хэлэлцүүлгийг нь хийх гэж байна. Олон талын мэргэжилтнүүд, олон талын хүмүүстэй уулзаж байхад газар өөрөө төрийн болон ард түмний ингээд өмч байх ёстой. Иргэд ч гэсэн 0,07 га газраа авч чадахгүй байна. Төрд ч гэсэн өөрт нь газар олдохоо больсон. Учир нь Засаг дарга нарын хамаагүй газар олголттой холбоотой гэдэг асуудал маш их тавигддаг. Иргэд 0.7 газраа яаж өмчилж авах юм гэдэг асуудал дээр цаашдаа анхаармаар байгаа юм. Энэ хуулийг харахаар ерөнхийдөө иргэд өмчлөлийн асуудал гэхээсээ илүү иргэн ААН-ийн ашиглах эзэмших эрхтэй холбоотой өөрчлөлтүүд орж байгаа юм байна.