Агаарын бохирдлын бууруулахад салбар хоорондын уялдаа, хамтын ажиллагааг хангах талаар төлөвлөгөөнд тусгах чиглэл өгөв

Агаарын бохирдлыг бууруулах асуудлыг Засгийн газрын бүх гишүүн буюу салбарын сайд нарын эрхлэх асуудалд хамааруулж, салбар бүрийн оролцоо, хариуцлагыг тодорхой болгосон билээ.

Өөрөөр хэлбэл, салбар бүр өөрийн бодлого, үйл ажиллагаандаа агаарын бохирдлыг бууруулах зорилтыг тусгаж, хамтран ажиллах шаардлагатай.

Тиймдээ ч Агаарын бохирдлыг бууруулах 2026-2030 оны төлөвлөгөөний төсөлд салбар яам бүр өөрт хамаарах чиг үүргийн хүрээнд агаарын бохирдлыг бууруулах арга хэмжээг зайлшгүй тусгах шаардлагатай юм.

Уг асуудлыг Ажлын хэсгийн ээлжит хуралдааны үеэр онцгой анхаарууллаа.

Мөн Агаарын бохирдлын бууруулах Үндэсний хорооны дэд даргын хувьд салбар хоорондын уялдаа холбоо, хамтын ажиллагааг хангаж, богино, дунд, урт хугацаанд хэрэгжүүлэх бодитой, цогц арга хэмжээг төлөвлөгөөнд тусгах чиглэл өглөө.

Түүнчлэн арга хэмжээ бүрийн санхүүжилтийн эх үүсвэр, хариуцах байгууллага, хэрэгжүүлэх хугацаа, хүрэх үр дүнг тодорхой болгохыг даалгав.