Онцлох мэдээ1 мин унших
Өргөдлийн байнгын хороо "Үдийн хоол" хөтөлбөрт зарцуулдаг төсвийг өмнөх оноос 81 хувиар нэмэгдүүлэхэд чухал үүрэг гүйцэтгэн ажиллалаа

Өргөдлийн байнгын хороонд иргэдийн алдаатай бодлогыг засаж өгөөч, тэтгэвэр нэмэгдүүлэх хэрэгцээтэй байна, эрх нь зөрчигдсөн асуудлыг шийдэж өгөөч олон зуун захидал хаяглагдан ирдэг.
Харин ӨБХ асуудлуудыг эхнээс нь эрэмбэлэн хэлэлцэж, чиглэл өгч, шат шатны түвшиндээ шийдэгдэж явсаар хөрөнгө мөнгөтэй холбоотой асуудлууд төсөвт ийнхүү сууж ажил хэрэг болж эхэлдэг.
УИХ-ын гишүүн ӨБХ-ны дарга О.Номинчимэг:
2025 оны тавдугаар сард дахин байгуулагдсан Өргөдлийн байнгын хороонд ирсэн маш олон хүсэлт тэтгэвэр нэмэгдүүлэх, итгэлцүүртэй холбоотой хүсэлтүүд байсан. Мөн үр хойч болсон хүүхдүүдийнхээ үдийн хоолонд төрөөс зарцуулдаг мөнгийг эргэн харж үзэхийг хүссэн ээж, аавуудын өргөдлүүд чамгүй их байлаа.
Үдийн хоол хөтөлбөрийн төсвийг нэмэх, хүүхдүүдээ нэмж хамруулах ажлыг үе шаттай нэмэгдүүлэхийг манай байнгын хороо шахаж ажилласаар байгаа бөгөөд ирэх жилийн төсөвт
сурагчдын үдийн хоолны норматив зардалд 244.8 тэрбум,
дотуур байрны хүүхдийн хоолны норматив зардалд 70.3 тэрбум,
6-7-р ангийн сурагчдыг хамруулахад 50 тэрбум гээд нийт 365.1 тэрбум төгрөг төсөвт суужээ. Энэ нь сурагчдадаа үдийн хоол хөтөлбөрт зарцуулдаг төсөв өмнөх оноос 81 хувиар өссөн үзүүлэлт юм.
Сэтгүүлч Б.Цэцэгсүрэн
