Байр суурь2 мин унших
Б.Бат-Эрдэнэ: Цахилгааны шөнийн тариф бодит байдал дээр ХЭРЭГЖИХГҮЙ байна

УИХ-ын нэгдсэн чуулганаар "Эрчим хүчний үр ашиг" хөтөлбөрийн санхүүгийн хамтын ажиллагааны тухай 2016-2017 оны хэлэлцээр, нэмэлт зээлийн болон төслийн 2 дахь гэрээг соёрхон батлах тухай хуулийн төслийг хэлэлцлээ.
Энэ үеэр УИХ-ын гишүүн Б.Бат-Эрдэнэ эрчим хүчний салбартай холбоотой хэд хэдэн асуудлаар сайдаас тодрууллаа.
УИХ-аар байгуулагдсан утааг бууруулах ажлын хэсгийн хүрээнд бид СХД, БГД гээд нилээд хэдэн газруудаар явж ажилласан. Ж.Эрдэнэбатын Засгийн газар шөнийн цахилгааны үнийг тэглэх чухал шийдвэр гаргасан. Энэ хүрээнд нилээд ажлууд хийгдэх ёстой. Миний ойлгож байгаагаар 60 гаруй тэрбум төгрөг суусан байх ёстой. Үүнийг Сангийн яам эргүүлэн татах гэж байгаа гэсэн сураг байна. Энэ ямар учиртай юм бэ?
Мөн Тавдугаар цахилгаан станцыг ажлыг хойшлуулж байгаа гэсэн. Тэгэхээр энэ шинэ эх үүсвэрийг хаана байгуулах вэ? Цаашилбал сэргээгдэх эрчим хүчний асуудал дээр ямар бодлого барьж байна вэ?
Мөн Эрчим хүчний нүүрснээс дулаан, цахилгаан үйлдвэрлэдэг энэ технологи манайд байгаагаас өөр технологийн дэлхийд байна уу? Энэ талаас нь үзэж судалж байгаа зүйл байна уу?
Сэтгүүлч batzaya



