#Тойрог2 мин унших
Хархоринд эрүүл мэндийг дэмжих төв байгуулж, 1.8 тэрбумын тоног төхөөрөмжөөр хангана

Сэтгүүлч Erdenejargal
Одоохон...
#Тойрог2 мин унших

Сэтгүүлч Erdenejargal
Ажлын хэсэг Хархорин суманд ажиллах үеэр тус сумын Нэгдсэн эмнэлгийн эмч, ажилтан, албан хаагчидтай уулзаж, тулгамдаж буй асуудлыг нь сонссон юм.

Тус сумын Нэгдсэн эмнэлэг 1994 онд хүүхдийн эмнэлгийн зориулалтаар баригдаж, ашиглалтад орсноос хойш нэг ч удаа их засвар хийгдээгүйн улмаас үйлчилгээг шуурхай, чанартай, хүртээмжтэй хүргэхэд хүндрэлтэй байгааг эмч ажилтнууд учирлаж байлаа.

Энэ нь Хархорин суманд бие даасан эрүүл мэндийн хөгжлийн төв байгуулахаар болсон тухай мэдээ юм. Аялал жуулчлалын бүс нутаг, хүн ам олноор суурьшсан Хархорины Нэгдсэн эмнэлгийн хувьд эмч мэргэжилтэн сайтай, мэс засал, нүд, шүд, чих хамар хоолой, дурангийн гээд бүхий л төрлийн чадварлаг эмчтэй ч тоног төхөөрөмж тааруу. Тиймээс нийт өртөг нь 1.8 тэрбум төгрөгийн эмчилгээ оношлогооны тоног төхөөрөмжөөр хангахаар болжээ.

Энэ бүхний үр дүнд Хархорины 13 мянган иргэнээс гадна хөрш зэргэлдээ сумдынхан, Архангайн Хашаат, Хотонтынхон гээд олон хүнд эрүүл мэндийн тусламж үйлчилгээг түргэн шуурхай, чанартай хүргэх боломж бүрдэж буй юм.