Онцлох мэдээ2 мин унших
ЭРХ ЗҮЙН ШИНЭЧЛЭЛЭЭР “ШИНЭ СЭРГЭЛТ”-ИЙГ ЭХЛҮҮЛСЭН ПАРЛАМЕНТ

Сэтгүүлч Soko
Одоохон...
Онцлох мэдээ2 мин унших

Сэтгүүлч Soko
Монгол Улс ардчилсан зарчмаар төрийн эрх барих дээд байгууллага болох Улсын Их Хурлаа төлөөлөөрөө дамжуулан хэрэгжүүлээд 30 гаруй жилийн нүүр үзжээ. 1992 оноос хойш найм дахь парламент өнөөдөр бүрэн эрхээ хэрэгжүүлж байна. Үе үеийн парламент өөрийн гэсэн онцлогтой бол энэ удаагийн парламент сонгуулийн санал хураалтаасаа эхлээд олон онцлог давуу талтай ажиллаж байна. Сонгогчдын хамгийн өндөр ирцтэй оролцож, томсгосон тойргоор 76 гишүүнээ сонгосон бол 76 гишүүнтэй ажиллах хамгийн сүүлийн парламент болж байна.

Шинэ сонгогдсон гишүүд дэлхий нийтийг хамарсан цар тахлаас үүдэн танхимдаа цуглан, мэтгэлцээний зарчмаар чуулган, байнгын хороодын хуралдаанаа зохион байгуулах боломжгүйд хүрч, хөл хорио тогтоосон өдрүүдэд цахим технологийн дэвшлийг ашиглан байнгын ажиллагаатай парламентын үүргээ амжилттай хэрэгжүүлж чадсан. Ингэснээр дэлхийн парламентуудын түүхэнд төдийгүй олон улсын хэмжээнд анхдагч парламент болсон.

Энэ удаагийн парламент чуулганы хуралдааны дэгээ сайжруулж, УИХ-ын гишүүний Ёс зүйн дүрмээ шинэчлэн баталсан. lawmaker.parliament.mn, lawforum.parliament.mn цахим системийг нэвтрүүлж иргэдтэйгээ зөвлөлдөж, хамтарч хууль боловсруулдаг суурийг тавьсан.

УИХ-ын намрын “отгон” чуулган өндөрлөлөө. Намрын чуулган бүхэлдээ шинэтгэлийн чуулган байсан гэж УИХ-ын дарга онцлов. Ард түмний засаглах эрхийг хангах, төлөөллийн ардчиллыг бэхжүүлэх, “3D” парламент буюу ардчилсан, ард иргэдтэйгээ зөвлөлддөг, цахим парламент болох зорилтоо хэрэгжүүлж ажилласан. Улс төрийн тогтвортой байдлыг эрхэмлэж, Засгийн газрын ажиллах таатай боломж, нөхцөлийг хангахад үйл ажиллагаагаа чиглүүлсэн.
УИХ-ын дарга Г.Занданшатар
Өдгөө Үндсэн хуулийн нэмэлт, өөрчлөлтийг амилуулах, тогтолцооны томоохон өөрчлөлтүүдийг хөрсөнд буулгахад маш чухал Сонгуулийн жил эхэлж байна. 126 гишүүн, бүсчилсэн 8 тойрог шинэ Монголын шинэ түүхийг бичнэ гэсэн хүлээлт байгаа юм.