УИХ-ын чуулганы өнөөдрийн \2021.04.23\ нэгдсэн хуралдаанаар Нэмэгдсэн өртгийн албан татвараас чөлөөлөх тухай хуулийн төслийг хэлэлцэв. Гишүүд хэлэлцэж байгаа асуудалтай холбогдуулан асуулт асууж, хариулт авлаа. УИХ-ын гишүүн Ц.Туваан: Гишүүд энэ хугацааг сунгах тал дээр анхаарах хэрэгтэй. Валютын ханшнаас шалтгаалаад тоног төхөөрөмж, бүтээгдэхүүний үнэ өссөн байгаа. Энэ нь хэрэглэгчдэд очихдоо өндөр үнэтэй бүтээгдэхүүн болно. Иймд Ковидын хүнд нөхцөлд гишүүд урт хугацааны бодлого гаргах тал дээр анхаараарай. Мөн тэрээр Гаалийн албан татвараас хөнгөлөх тухай хуулийн төсөлтэй холбогдуулан дараах байр суурийг илэрхийлсэн юм.
2021-04-23
УИХ-ын чуулганы өнөөдрийн \2021.04.23\ нэгдсэн хуралдаанаар Нэмэгдсэн өртгийн албан татвараас чөлөөлөх тухай хуулийн төслийн эцсийн хэлэлцүүлгийг хийлээ. Хуулийн төсөлтэй холбоотойгоор УИХ-ын гишүүд асуулт асууж, санала хэллээ. УИХ-ын гишүүн С.Чинзориг: "Хуулийн төслийг дэмжиж байна. Хугацаа бага зэрэг оройтож байна. Хаврын тариалалт эхлэх цаг тулсан. Салбарын сайдаас асуухад цаашдаа ХАА, газар тариалан, МАА-н салбарт бодлогын шинэчлэл хийх ажлыг цаг алдахгүй хиймээр банйа. Жилийн жилд л НӨАТ-тай холбоотой аргаар л цаг тулгаад чөлөөлөөд явдаг. Энэ ч хэр үр дүнтэй юм. Хэд хэдэн зүйлийг бид анхаарах хэрэгтэй. Цаг агаараас үл хамааран газар тариалангаа хөгжүүлэх боломжийг бий болгох ёстой. Хавар болохоор л хүнсний, нарийн ногоо ховорддог. Хадгалах сав, зоорьтой холбоотой байх. Тиймээс хүлэмж, эрчимжсэн тариалалт зэргийг дэмжих ажил хийх ёстой. Түүнчлэн МАА-н салбарт ч анхаарах зүйл бий. Сүүлийн 3 жил дараалан Өвөрхангай аймагт малчид хүнд нөхцөлд отроор өвөлжиж байна. Тэгээд л отрын малчдыг битгий хөөгөөч гээд л аргалдаг. Тиймээс малын тэжээл тариалах тал дээр анхаарах шаардлага байна. Газар тариаланг дэмжих чиглэлд бид жил бүр л хөнгөлөлт, чөлөөлөлт үзүүлээд байдаг. Гэтэл үр дүн ямар байна. Иргэдийн авч байгаа бараа бүтээгдэхүүний үнэд нөлөөлж байна уу? Хөдөө орон нутагт ч тогтвортой бус байнга өсөн нэмэгдсээр байна."
УИХ-ын чуулганы өнөөдрийн \2021.04.23\ нэгдсэн хуралдаанаар Нэмэгдсэн өртгийн албан татвараас чөлөөлөх тухай хуулийн төслийг хэлэлцэв. Гишүүд хэлэлцэж байгаа асуудалтай холбогдуулан асуулт асууж, хариулт авлаа. УИХ-ын гишүүн Х.Болорчулуун: Хөдөө аж ахуйн тоног төхөөрөмж, бүтээгдэхүүн материал 2008 оноос хойш 10 гаруй жил Гааль болон НӨАТ-аас чөлөөлөгдсөн. Харин өнгөрсөн жил энэ хуулийг ярьж чадаагүй. Өнөөдөр хил дээр хөдөө аж ахуйн тоног төхөөрөмж маш их орж ирээд, гацсан байна. Энэ газар тариалалтад нөлөөлж магадгүй. Хөдөө аж ахуй өрөө маш бага ашиг нь дээр ажилладаг. Бүх улс орон энэ салбараа дэмжиж явдаг. Бид 6 сарын хугацаатай хуулиа сунгаж хэрэггүй. Харин 5 жилээр сунгаад явъя гэсэн гишүүдийн саналыг дэмжиж байна.
УИХ-ын чуулганы өнөөдрийн \2021.04.23\ нэгдсэн хуралдаанаар Нэмэгдсэн өртгийн албан татвараас чөлөөлөх тухай хуулийн төслийг хэлэлцэв. Гишүүд хэлэлцэж байгаа асуудалтай холбогдуулан асуулт асууж, хариулт авлаа. УИХ-ын гишүүн Ж.Бат-Эрдэнэ: Засгийн газар, яамнаа энэ хуулийг оруулж ирж байгаад талархаж байна. Гэхдээ энэ төслийг газар тариалан эрхлэх цаг хугацаанд ярьдаг биш урт хугацаанд нь хийвэл зүгээр. Яамны уулзалт дээр сайдтай ярилцаж байхад цаг хугацааны асуудлыг 5-10 жилээр томоор авч үзэх шаардлагатай гэж бид ярьж байсан. Манайх энэ салбарын хөгжлөөрөө хөгжингүй оронтой харьцуулахад нилээн доогуур явж байна. Ер нь энэ асуудлыг цаг хугацааны үед биш, томоор нь харж төлөвлөх шаардлагатай байгаа. Мөн тэрээр Гаалийн албан татвараас хөнгөлөх тухай хуулийн төсөлтэй холбогдуулан дараах байр суурийг илэрхийлсэн юм.
УИХ-ын чуулганы өнөөдрийн \2021.04.23\ нэгдсэн хуралдаанаар Нэмэгдсэн өртгийн албан татвараас чөлөөлөх тухай хуулийн төслийг хэлэлцэв. Гишүүд хэлэлцэж байгаа асуудалтай холбогдуулан асуулт асууж, хариулт авлаа. УИХ-ын гишүүн Т.Энхтүвшин Газар тариалан, төмс,хүнсний ногоо, жимс жимсгэнээ дотооддоо хангах хэрэгтэй. Замын Үүд дээр хил хаагдахад бүх ногоо, жимсний үнэ өсдөг асуудал гардаг. Зөвхөн газар тариалан гэлтгүй, хүлэмжийн ногоо, тоног төхөөрөмж дээр хөнгөлөлт үзүүлэх нь зөв. Хамгийн гол нь 5 жилийн хугацаанд Монгол орноо жимс,ногоогоор хангах ёстой гэсэн хариуцлагатай ажиллах ёстой. Үүн дээр яам хариуцлагатай ажиллаж, төлөвлөгөө гаргах хэрэгтэй гэсэн байр суурьтай байна.
