1 мин унших
НҮБ-ын 3-р бага хурлаар далайд гарцгүй орнуудын тээвэр, логистикийн асуудлыг хэлэлцэж байна

Олон улсын харилцаа
Туркменистан улсын Аваза хотод зохион байгуулагдаж буй НҮБ-ын 3-р бага хуралд Монгол Улсын Тэргүүн Шадар сайд, Эдийн засаг, хөгжлийн сайд Н.Учрал оролцож байна.
Хурлаар хил дамнасан төмөр зам, авто зам, цахим худалдаа зэрэг бүс нутгийн хамтын ажиллагааг сайжруулах санаачлагууд яригдаж ирэх 10 жилийн бодлогын баримт бичигт тусахаар хэлэлцэгдэж байна.
Н.Учрал сайд далайд гарцгүй орнууд гадаад зах зээлд бараа бүтээгдэхүүнээ хүргэхэд маш их саадтай тулгардаг. Хурлын хүрээнд дэд бүтэц, тээвэр, логистик, худалдааг хөнгөвчлөх шийдлүүдийг дэвшүүлдэг. Ингэснээр экспортын өртөг буурч, эдийн засгийн өсөлтөд эерэг нөлөө үзүүлэхийг онцоллоо
НҮБ-ын ерөнхий нарийн бичгийн дарга А.Гутерреш, Туркменистаны Ерөнхийлөгч, НҮБ-ын далайд гарцгүй хөгжиж буй орнуудын 3-р бага хурлын дарга Сердар Бердымухамедов нарын үндсэн илтгэлд ч бүс нутгийн эдийн засгийн хамтын ажиллагааг бэхжүүлэх зорилтот санаачилгууд дурдагдлаа. Ирэх өдрүүдэд бодлогын баримт бичиг батлагдах аж.
Сэтгүүлч Info
