Байр суурь2 мин унших
Б.Жаргалан: Ерөнхий сайд 1 гараараа ТӨК-иудыг татан буулгаад, нөгөө гараараа Орон сууцны корпорац, төрөлжсөн банк байгуулах гэж байна!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.06.26/-ны өдрийн нэгдсэн хуралдаанаар “УИХ-ын асуулгын цаг” өрнөлөө.
Гишүүд Монгол Улсын Ерөнхий сайдаас асуулт асууж, байр сууриа илэрхийллээ.
УИХ-ын гишүүн Б.Жаргалан:
АН, МАН-ын үзэл санаа, сэтгэлгээний ялгааг өдөр бүр мэдэрч байгаа. МАН дарга төвтэй бүтэц, хүнд суртал бий болгож эрх мэдлийг төрд овоолж ирсэн. Харин АН бол монголчуудынхаа авхаалж самбаа, идэвх санаачилга, хичээл зүтгэл зүтгэлд итгэдэг. Эдийн засгийн эрх чөлөөтэй монгол хүн ямар ч халамжид найдалгүй ажил хөдөлмөр эрхлээд ашиг орлого олоод сайхан амьдарч чадна аа гэдэгт итгэдэг. Тийм ч учраас АН-ын гишүүний хувьд Эдийн засгийн эрх чөлөөний тухай хуулийг санаачилсан. ЗГ-аас өргөн барьсан Бизнесийн эрх чөлөөний хууль дээр дурдсан үзэл санааг тодорхой хэмжээнд задлахаар, асуудлаа хүлээн зөвшөөрч байна гэж баярлаад 2 хуулиа нэгтгэн Ерөнхий сайдын ажлын албатай өдөржин шөнөжин л ажиллалаа.
Гэтэл таны яриад байгаа чөлөөлье гэдэг санаачилга яг үнэндээ хоосон популизм биш бөгөөд бодит ажил хэрэг болно гэдэг итгэл юун дээр нурж байна вэ гэхээр танай ЗГ-аас өргөн барьсан 2 хууль байлаа. Эдийн засгийн эрх чөлөөний хуульд ТӨК-ийн тухай хуулийн хамтаар Ашигт малтмалын тухай хууль 2 тусгай зөвшөөрөл нэмчихэж байна. Орон сууцжуулалтын тухай хууль бол маш их асуудалтай. Учир нь Үндэсний орон сууцын корпорац гэдэг байгууллага байгуулахыг хуулиар тогтоочихлоо. Орон сууцын санхүүжилтийн банк байгуулна аа гэчихлээ.
Орон сууцжуулалтын тухай хуулийг лавшруулан уншвал нийгмийн орон сууц, хөлсний орон сууц, хөлслөөд өмчлөх орон сууцын хөтөлбөрт иргэдийг хамруулах эрэмбэлэх журмыг нийгмийн хамгааллын асуудал эрхэлсэн сайд нь батална гэчихсэн байгаа юм.