Т.Аубакир: Энэ конвенцод нэгдэн орсон улсаас томоохон улс орнууд бүтээгдэхүүн худалдан авах сонирхолтой байдаг

Европын холбооны улсууд, Зүүн Ази, Америкийн улсууд энэхүү конвенцод нэгдэн орсон улсаас худалдаж авах бүтээгдэхүүнээ илүүтэй үнэлдэг. Яагаад гэвэл тэнд хүний эрх зөрчигдөөгүй, зүй зохистой хөдөлмөрөөр бүтсэн бүтээгдэхүүн гэдэг шошго дагаж явдаг. Тийм учраас энэхүү конвенцод нэгдэх нь манай улсын хувьд ач холбогдолтой.

ГБХНХЯ-наас ХАБ-ын тухай хуулиа өргөн барьж байгаа, энэ хүрээнд конвенцтой нийлүүлээд ХАБ-ын тухай хуулиа олон улсын стандартад нийцүүлэн ажиллаж байгаа. М.Ганхүлэг гишүүн манай яамнаас асуулт асуулаа, ХАА дээр химийн бодистой ажилладаг, эрс тэс уур амьсгалтай нөхцөлд ажилладаг энэ маань хүнд нөхцөл гэхээс илүүтэй байна уу гэдэг дээр манай яам хариулчихъя.

Ер нь хөдөлмөрийн хяналтыг тасалж болохгүй. Мэргэжлийн хяналтыг татан буулгасантай холбоотой байх, мөн зарим салбарууд дээр хяналт буурч байгаа. Үүнтэй холбоотой ХАБ, үйлдвэрлэлийн осол нэмэгдэх хандлагатай байна. Тийм учраас ГБХНХЯ-наас жил бүрийн 4 сард тасралтгүй улсын хэмжээнд ХАБ-ын хууль эрх зүйн орчныг танилцуулах ажил олгогч ажилтнуудтай уулзаж, ХАБ-ыг хангаж ажиллах заавар инструкци өгдөг. 

Энэ хүрээнд 2026 онд ГБХНХЯ 4 сараас эхлээд 21 аймаг, 44 сумд ХАБ-ынхаа үйл ажиллагааг танилцуулж байгаа. Энэ маань юуг харуулж байна вэ гэхээр бид нар хөдөлмөрт тавих зүй зохистой хөдөлмөр эрхлэх, хөдөлмөрийн мөлжлөг зэрэгтэй холбоотой. Мөн эдийн засаг тэлж олон шинэ техник технологи орж ирж байгаатай холбоотой, үйлдвэрлэлийн осол буурахгүй байгаа учраас бид нар энэ хөдөлмөр дээр тавих хяналтаа үргэлжлүүлэх нь зүйтэй.

Энэ маань мэдээжийн хэрэг энэ конвенцод ч гэсэн тодорхой заасан байгаа. Торгож шийтгэхээсээ илүү ХАБ-ыг хангаж ажиллахыг дадал болгоход жил болгон ажиллах зайлшгүй шаардлага байгаа юм. Конвенц дээр ч заасан байгаа. ГБНХХ-ын яамнаас ч гэсэн улсын хэмжээнд ХАБ-ыг хангуулах ажлыг заавал хийнэ. Хийсээр ч байгаа .