С.Эрдэнэболд: Энэ хууль батлагдсанаар хэдий хугацааны дараа ямар эерэг үр дүнд хүрэх талаар судалгаа хийсэн үү!

 УИХ-ын чуулганы /2026.10.09/-ний өдрийн хуралдаанаар Иргэний хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.

УИХ-ын гишүүн С.Эрдэнэболд: 

Нэгт, Д-парламентад хуулийн төсөл тавигдсанаас хойш саналын ер нь хэд нь ямар зохицуулалтыг дэмжсэн болон тодорхой санал шүүмж өөр байр суурь илэрхийлсэн бэ? энэ талаар нэг мэдээлэл авмаар байна. Ер нь бид маш олон хууль тогтоолын төслүүдийг цахим платформ руугаа оруулдаг. Түүн дээр иргэдийн зүгээс болон ААН-үүдийн зүгээс ямар асуудлууд ирж байгаа вэ? статистик авмаар байна

Хоёрт, төсөөтэй аргын загварчлал гэж ойлголт байгаа. Симуляц гэж бид нар хэлдэг. Энэ хууль батлагдсанаар ямар хугацаанд, ямар эерэг өгөөжүүдийг авчрах вэ? Үзэл баримтлал дээр ерөнхийд нь тавьсан байгаа. Энд мөнгөн дүн бүхий зохицуулалт байгаа учраас мөнгөн дүнгийн зохицуулалт нь ямар хэмжээгээр нийгмийн харилцааг энэ төрлийн харилцааг зохицуулахад эерэг өөрчлөлт үзүүлэх вэ?

Гуравт, байнгын хорооны хэлэлцүүлгийн үеэр тодорхой саналууд хэлсэн. Хууль зүйн нэр томьёо цахимтай холбоотой гэмт хэрэг зөрчил ихсэж байгаа. Шинэ тутам харилцааг зохицуулах гадаад нэр томьёо нэвтэрч байгаатай холбогдуулаад хууль зүйн нэр томьёоны бичилтийн хувьд холбогдох байгууллагууд буюу ШУА-ийн хэлнийхэн, төрийн хэлний зөвлөлийнхөнтэй ажиллах процесс ямар шатад явж байна вэ?