УИХ-ын ТБХ-ны /2026.10.20/-ны өдрийн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Төсвийн тогтвортой байдлын тухай хуульд нэмэлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан УИХ-ын гишүүн О.Батнайрамдал байр сууриа илэрхийллээ.

Биднийг 2027 оны төсөв, Оюутолгойн ноогдол ашиг ярьж байх хойгуур Онтрэгийн 2 лиценз дээр юу болоод байна? Монголын татварын албанаас би Онтрэйтэй холбоотой бүх албан захиануудыг авсан. 2026 оны 6 сарын 22-ны өдөр Онтрэй компаниас ХХБ-аар дамжуулж 24,3 тэрбум төгрөгийн татварыг лицензийн шилжүүлгийн төлбөр болох 24,3 тэрбум төгрөгийн татварыг шилжүүлсэн.

Баримт нь ирсэн байна. Лиценз шилжүүлгийн татвар төлөгдчихсөн байна. Татварын албанаас явж байгаа захианууд дээр их "но"той юм харагдаад байна. Үүн дээр Татварын алба албан ёсоор хариугаа өгөх хэрэгтэй. 2025 оны 7 сарын 3 буюу Хянан Шалгах түр хороо дөнгөж байгуулагдаад сонсголоо ч хийж амжаагүй үед Монголын татварын албанаас дэд дарга Энхболдын гарын үсэгтэй Онтрей рүү захиа явсан байна. Нөгөө лицензээ шилжүүлэх гээд л захиа явуулаад байна шүү дээ.

Үүнд,Татварын алба их зөв хариулсан байна. ШивээТолгой, Жавхлант орд стратегийн ач холбогдол бүхий орд. Энэ төрийн эзэмшилд тогтоогдох асуудал шийдэгдтэл татвар төлсөн тодорхойлолт олгох боломжгүй гэж Татварын албаны дэд дарга Энхболдын гарын үсэгтэй албан тоот байна. Энэ хүн ажлаа зөв мэддэг хүн байна. УИХ шийдтэл татварын тодорхойлолт гаргах боломжгүй. Бидний хүсээд хүлээгээд байгаа хариулт бол энэ. Одоо Энхболд гэдэг дарга байгаа юу?

Дараа нь Монголын татварын албанд шинэ дарга Цогтнаран томилогдсон байна. Цогтнаран даргын 2 удаагийн Онтрейд өгсөн хариу дээр ОТ-н сонсгол явагдаад, 120 дугаар тогтоол батлагдсаны дараа татварын тодорхойлолт гаргах боломжгүй шалтгаанаа зүгээр материал бүрдүүлбэр дутуу гэж явуулжээ. УИХ-ын бүрэн эрхийг давж, Монголын Татварын албанаас бүрдүүлбэр дутуу гэж хөрөнгө оруулагчийг яагаад төөрөгдүүлж байгаа юм?

Цогтнаран дарга өмнөх Энхболд даргаасаа асуудаггүй юм уу? Өмнөх захиагаа хардаггүй юм уу. УИХ-ын төрийн эзэмшил тогтоох хүртэл татварын тодорхойлолт гаргах боломжгүй энэ хүн зөв хариулсан байна шүү дээ.

Энэ хүн яагаад шинэ ажилд томилогдонгуутаа "бүрдүүлбэр" дутуу гэж хариулт явуулаад эхэлсэн бэ? 2 удаагийн захиагаар Цогтнаран дарга нөгөөдөх нь Татвар төлөгчийн газрын дарга С.Төгсжаргал УИХ-ын бүрэн эрхийг давж, ямар зориг зүрхтэйгээр бүрдүүлбэр дутуу гэж хөрөнгө оруулагчийг төөрүүлж байгаа юм? Хэнийг маллах гэж байгаа юм? 120 дугаар тогтоолоо уншсан уу?

О.Батнайрамдал: “Онтрэ Ресурс” компанид Монголын Татварын албанаас бүрдүүлбэр дутуу гэж хөрөнгө оруулагчийг яагаад төөрөгдүүлж байгаа юм?