Улсын Их Хурлын Эдийн засгийн байнгын хорооны хуралдаан /2026.10.21/ Төрийн ордны “Их Эзэн Чингис хаан” танхимд 53.1 хувийн ирцтэй эхэлж, ирэх оны төсвийн төслийн гурав дахь хэлэлцүүлгийг явууллаа.

УИХ-ын гишүүн О.Батнайрамдал дараах байр суурийг илэрхийллээ.

Өнөөдөр Монгол Улсын эдийн засаг доллароор аваад үзэх юм бол 25 орчим тэрбум долларын эдийн засагтай. 25 тэрбум долларын эдийн засаг дотор байгаа ОТ төсөл хамгийн сүүлийн Морган Стэнлигийн үнэлгээгээр 36 тэрбум долларын үнэлгээтэй. Монгол Улсын эдийн засгаас хэр томыг нь та бүхэн харж байгаа. Энэ 36 тэрбум долларын төслийн нийт геологийн нөөцийн 32 хувь нь Онтре дээр хамаардаг юм. Онтрегийн лиценз дээр тэр Канадын хөрөнгийн бирж дээр бүртгэлтэй Онтре Ресурс компанийн л мэдэлд байгаа Шивээ толгой, Жавхлант гэсэн 2 лиценз. Тийм учраас энэ дэндүү том, хэдэн тэрбум долларын үнэлгээтэй.

Тийм учраас Онтрэгийн гэрээ хэлцэл явагдаж байгаа энэ үед алхам болгон чухал. УИХ-аас 120 дугаар тогтоол батлагдаад, УИХ бүрэн эрхээ гаргаж шийдээгүй байхад энэ 2 лиценз шилжиж болохгүй. Гэтэл энэ 2 лицензийг шилжүүлэх татвар нь төлөгдчихөөд байна. 2026 оны 6 сарын 22-ны өдөр Онтре компаниас ХХБ-аар дамжуулж, Монголын татварын албанд Төрийн санд 24,3 тэрбум долларыг 2 гүйлгээгээр шилжүүлсэн.

Үүнээс яг 8 хоногийн дараа 2026 оны 6 сарын 30-нд Рио Тинтогийн Зэсийн группийн захирал болон Рио Тинтогийн ТУЗ-ийн дарга Доминик Бартик нар Ерөнхий сайдтай хэлэлцээр эцэслэсэн байгаа. Монгол Улсын ЗГ хэлэлцээрт орж байгаа энэ үед тэр мөнгө шилжсэн байна.
Үүнийг арай хэлэлцээрийн баг мэдээгүй юм биш биз дээ.

О.Батнайрамдал: ОНТРЭ-гоос орж ирсэн татварын мөнгийг буцаах ёстой!