Т.Аубакир: Ажилгүйдлийн тэтгэмжтэй холбоотой судалгаануудыг явуулахад хууль бусаар тэтгэмж авч байгаа иргэд байна!

Улсын Их хурлын чуулганы 2026.10.22-ний өдрийн нэгдсэн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Төсвийн тогтвортой байдлын тухай хуульд нэмэлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт, байр сууриа илэрхийллээ.

ГБХНХ-ын сайд Т.Аубакир:

2026 онд 92 тэрбум төгрөг зарцуулахаар төсөвлөсөн байсан. 92 тэрбумаас давсан гэсэн үг. Бид нар 2027 онд 192 тэрбум төгрөгөөр төсөвлөж орж ирж байгаа. Яг энэ ажилгүйдлийн тэтгэмжийн сангаар. Яагаад өсөөд байгаа дээр манай яамны зүгээс судалгаа хийсэн. Гэхдээ 2026 оны сүүлийн 3 сарын төсвийг бол бид сая төсвийн тодотголоороо 50 тэрбум төгрөг тавьж авсан. Ингээд он дуустал бид ажилгүйдлийн тэтгэмжээ ямар нэгэн сааталгүй өгнө гэсэн үг. Нөгөө талдаа 92 тэрбум төгрөг байсан зүйл маань яагаад дахиад 100 тэрбумаар нэмэгдээд байгаа юм бэ гэж... 

Ажилгүйдлийн тэтгэмжтэй холбоотой судалгаануудыг явуулахад хууль бусаар тэтгэмж авч байгаа иргэд байна. "Захиралдаа очоод та намайг халчхаач би ажилгүйдлийн тэтгэмжээ авчихъя, тэгэхдээ би ажлаа хийсээр байна аа" гэж. Нөгөө талдаа улирлын чанартай компаниуд үүнийг ашиглаж байна. Намар өвөл газах хөдлөхлээр зогсчихдог. Хууль журмаараа бол сул зогсолт өгөх ёстой. би чамайг халсан тушаал гаргачихъя, хавар дахиад авчихна чи энэ хооронд ажилгүйдлийн тэтгэмжээ авчих гэх мэт. Тийм учраас манай яамны зүгээс бодитой, үнэхээрийн ажилгүйдлийн тэтгэмж авах шаардлагатай иргэддээ өгье. Зарим хууль бус зүйлүүдийг бууруулах журмаа баталж авсан.

Энэ журам маань өмнө нь явж байсан зохицуулалт бол 9 сар ажилласан хүн 76 хоногийн тэтгэмж авах эрхтэй байсан бол шинэ журмаараа 12 сар ажиллаж байж ажилгүйдлийн тэтгэмж авах эрх нь үүснэ. Нөгөө талдаа 55 хоногтой тэнцэх ажилгүйдлийн тэтгэмж авах хүрээнд бид нар журмаа өөрчлөөд явж байгаа юм. Тэгэхээр сайны хажуугаар саар байгаад байна гэсэн үг. Ажилгүйдлийн тэтгэмжийг өгөх ёстой. Гэхдээ нөгөө талдаа хийдүүлж байгаа асуудал байгаа учраас энэ жилийн төсөв маань хүрсэнгүй. Сая тодотголоор 50 тэрбум төгрөг тавиулж авсан. Одоо бол ажилгүйдлийн тэтгэмж ямар нэгэн саадгүй олгогдоно.