О.Номинчимэг: Ирэх онд шашны хэдэн байгууллага үл хөдлөх эд хөрөнгийн татвараас чөлөөлөгдөж байгаа вэ!

УИХ-ын чуулганы /2026.10.22/ны өдрий хуралдаанаар Монгол Улсын 2027 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийн хэлэлцэх эсэхийг хэлэлцлээ.

УИХ-ын гишүүн О.Номинчимэг дараах байр суурийг илэрхийллээ.

ААНОАТ-ын тухай хуульд орж байгаа өөрчлөлттэй холбоотой нийгэмд тустай үйл ажиллагаа хийвэл нэг хувийн хөнгөлөлт эдэлдэг.  Үүнээс төрийн болон орон нутгийн өмч давамгайлсан хуулийн этгээдийг хасаж байна. Зарчмын хувьд дэмжиж байна. Маш зөв. Өнгөрсөн хугацаанд энэ нэг хувийн хөнгөлөлт зөвшөөрснөөс хойш  төрийн болон орон нутгийн өмчит компаниуд  ямар төсөл хөтөлбөрүүд  санхүүжүүлж ирсэн бэ? Мэдээлэл байна уу? Төрийн болон орон нутгийн өмчит компанийн нэг хувийн татвар орж ирснээр төсөвт төвлөрөх орлого нь яаж өөрчлөгдөх вэ.  Харин 2027 онд  үргэлжлүүлж байгаа төсөл нь хэвээрээ байна гэсэн байна.  Ямар үйл ажиллагаа явуулж байгаа хэдэн төсөл үргэлжлэх юм. Үр өгөөж нь ямар байна.

Үл хөдлөх эд хөрөнгийн албан татварын тухай хуульд нэмэлт өөрчлөлт оруулах тухай хууль дээр соёлын өвийг хамгаалах тухай -соёлын хосгүй үнэт дурсгалыг хамгаалж байгаа шашны байгууллагын үл хөдлөхөөс татвараа авахаа больё  гэж байгаа юм байна. Энэ үл хөдлөх эд хөрөнгийг татвараас чөлөөлж байгаа хэдэн шашны байгууллага байгаа юм? Соёлын үнэт зүйлийг хадгалж хамгаалж байгаа хэдэн байгууллага байна. 2026 онд шашны хэдэн байгууллагуудын үл хөдлөхөөс  хэдэн төгрөгийн татвар авдаг байсан бэ.

Төсвийн тухай хуульд нэмэлт өөрчлөлт оруулах тухай хуульд Орон нутгийн хөгжлийн сантай холбоотой өөрчлөлт оруулж иржээ. Орон нутгийн хөгжлийн сан бол тухайн орон нутгийн хүн амын хувьд нийтлэг тулгарч байгаа асуудлуудыг шийдэхээр, эрх ашигт нь эрэмбэлж тэр орон нутгийн хөгжлийн сангаас санхүүжүүлдэг. Энэ зарчимдаа нийцэж чадаж байгаа юу. Жоохон гажаад “төрөөс та нар ийм юм хий гэдэг” байдал   руу яваад байгаа юм шиг санагдаж байна. Энэ дээр тайлбар явъя.