П.Батчимэг: Оюутолгой болон төрийн өмчит компаниудын ногдол ашгийн орлогыг урсгал зардал болгохын эсрэг байр суурьтай байна

Өнөөдөр /2026.10.27/ УИХ-ын Эдийн засгийн болон Төсвийн байнгын хорооны хамтарсан хуралдаанаар 2027 оны төсвийн хүрээний мэдэгдэлтэй хамт Төсвийн тогтвортой байдлын тухай хуульд нэмэлт оруулах тухай хуулийн төслийг хэлэлцэхтэй холбогдуулан УИХ-ын гишүүн П.Батчимэг дараах асуултуудыг асууж хариулт авлаа. 

Тэрбээр, Засгийн газраас “улсын төсөвт нэмэлт орлого орох бүрд дагаад төсвийн зарлагыг нэмэгдүүлэх, үүнд төсвийн тогтвортой байдлын тухай хуульд заасан төсвийн шаардлага мөрдөхгүй” байх хуулийн өөрчлөлт өргөн мэдүүлснийг дэмжихгүй.

Ялангуяа, ард түмний өмч, нийтийн баялаг болсон Оюутолгой төсөл болон бусад төрийн өмчит компаниудын ногдол ашгийн орлогыг улсын төсвийн урсгал зардал болгохын эсрэг байр суурьтай байна. Зүй нь Засгийн газар төсвийн урсгал зардлаа танаж, иргэд, аж ахуй эрхлэгчдийн татварын орлогыг үр ашигтай зарцуулахад анхаарах ёстой.