УИХ-ын асуулгын цаг сар бүрийн сүүлийн долоо хоногийн баасан гарагт 14:00 цагт болдог.
Энэ удаагийн асуулгын цагаар 2026.10.30/-ны “ТӨСӨВ: ХУЛГАЙЛАГДСАН ХАРИУЦЛАГА” сэдвээр УИХ дахь Ардчилсан намын бүлгийн гишүүд Ерөнхий сайдтай мэтгэлцсэн. Мөн намын бүлгийг төлөөлж гишүүд асуулт асуулаа.

УИХ-ын гишүүн О.Саранчулуун:

Хууль тогтоомжийн биелэлтийн хүрээнд надаас гадна бусад хөгжлийн бэрхшээлтэй хүмүүс асран хамгаалагч хүлээж байгаа нэг асуулт байгаа. 2 жил гаруй хүлээж байгаа асуулт. Хөгжлийн бэрхшээлтэй хүний эрхийн тухай хуулийн шинэчилсэн найруулгын төслийг боловсруулах ажлын хэсэг Гэр бүлийн яаман дээр байгуулагдаад 3 дахь жил рүүгээ орох нь. Энэ хууль хэзээ өргөн барих вэ? Энэ хуулийн талаарх явц мэдээллийг авмаар байна. Энэ хууль батлагдахыг маш олон хүн хүлээгээд, энэ хуулиар шийдэгдээгүй олон асуудлууд. Нэг юм ярихаар энэ хуулийг өргөн барихаар болъё, энэ хуулиар болъё гээд байдаг. Үүндээр та иргэдэд нээлттэй ойлгомжтой хариу хариулаад өгөөч.

2-т нь ЗГ-ын үйл ажиллагааны хөтөлбөртэй холбоотой хөгжлийн бэрхшээлтэй иргэнийг орон сууцаар хангах дэмжлэгтэй холбоотой асуудал. ЗГ-ын 26 оны 3 сарын 11-нд шинэ журмаа батлуулаад нөгөө зорилтот бүлгийнхээ квотыг 8 байсныг 9 болгоод, ахмад настны квот 15 байсныг 18%, хөгжлийн бэрхшээлтэй хүний квот 5 байсныг 10 болгож нэмэгдүүлсэн. Хүртээмжийг төлөвлөсөн. 10 сар дуусаж байна тэгэхээр 7 сарын хугацаа өнгөрсөн байна. Энэ хугацаанд одоо хөгжлийн бэрхшээлтэй хүмүүс орон сууцад орсон уу, орсон бол ямар мэдээлэл яаж оров гэдэг асуудал. Үүнтэй уялдуулаад иргэдийн асуулт нь түрээслээд байх сууцын хувилбар 700 мянган төгрөг, түрээсэлж байгаад өмчлөх бол сая 400-г төлөх шалгууртай юм байна.

Гишүүний асуултад Ерөнхий сайд Н.Учрал хариуллаа:

О.Саранчулуун: Энэ онд квотын дагуу хөгжлийн бэрхшээлтэй иргэн орон сууцанд орсон уу?