Нийгмийн халамжийн тэтгэвэр болон тэтгэмжийн хэмжээ нэмэгдлээ

Монгол Улсын 2026 оны Төсвийн тодотгол батлагдаж, нийгмийн халамжийн тэтгэвэр, тэтгэмжийг шинэчлэн баталлаа.

Тодруулбал, иргэдэд олгох халамжийн төрлүүд дараах байдлаар өссөн:

• Хөгжлийн бэрхшээлтэй хүнд олгох нийгмийн халамжийн тэтгэвэр 25.5 хувиар нэмэгдэж, 478,000 төгрөг байсан бол 600,000 төгрөг

• Ахмад настан, тэжээгч нь нас барсан хүүхэд, 18 хүртэлх насны 4 ба түүнээс дээш хүүхэдтэй өрх толгойлсон 45 насанд хүрсэн эх, 50 насанд хүрсэн эцэгт олгох нийгмийн халамжийн тэтгэврийн хэмжээ 38.9 хувиар өсч, 432,000 төгрөгөөс 600,000 төгрөг болж нэмэгдсэн байна.

• Байнгын асаргаа шаардлагатай 16 хүртэлх насны хөгжлийн бэрхшээлтэй хүүхдэд олгох амьжиргааг дэмжих мөнгөн тэтгэмж 25.5 хувиар нэмэгдэж, 478,000 төгрөг байсан бол 600,000 төгрөг.

• Асаргааны тэтгэмж: Уг тэтгэмж 12.1 хувиар нэмэгдэж, 330,000 төгрөг байсан бол 370,000 төгрөг болжээ.

• Байнгын асаргаа шаардлагатай хүнд хэлбэрийн хөгжлийн бэрхшээлтэй хүүхдийг асарч байгаа иргэнд олгох асаргааны тэтгэмж 484,000 төгрөг байснаас 524,000 төгрөг болж тус тус нэмэгдэхээр болов.