УИХ-ын гишүүн Ж.Чинбүрэн Монголын бие бялдар, хөдөлгөөн заслын холбооны 15 дахь удаагийн олон улсын эрдмийн чуулганд оролцлоо.

Энэ жилийн чуулганд Хонконг, Япон, Сингапур зэрэг Азийн бүс нутагт хөдөлгөөн засал, нөхөн сэргээх эмчилгээний чиглэлээр судалгаа, эмчилгээний туршлага арвин, эрдэм шинжилгээний бүтээмж өндөртэй орнуудын эрдэмтэн, профессорууд оролцож, мэдлэг, туршлагаа хуваалцлаа.

УИХ-ын гишүүн Ж.Чинбүрэн:

Хөдөлгөөн засал нь зөвхөн өвчний дараах сэргээн засах эмчилгээ бус, өвчнөөс урьдчилан сэргийлэх, эрт үеийн тусламж үзүүлэх, эрүүл, идэвхтэй амьдралыг дэмжих чухал арга хэмжээ юм.

Иймд хөдөлгөөн засал, сэргээн засах тусламж үйлчилгээг эрүүл мэндийн тогтолцоонд зохих байр суурьтай болгох, эрх зүйн орчныг боловсронгуй болгох шаардлагатай. УИХ-ын гишүүний хувьд энэ чиглэлээр салбарын мэргэжилтнүүдтэй хамтран шаардлагатай бодлого, эрх зүйн дэмжлэгийг бий болгохын төлөө ажиллах болно.

Хөдөлгөөн заслын тусламж, үйлчилгээний хэрэгцээ цаашид улам нэмэгдэх төлөвтэй байна. Иймд залуусыгаа хүний эрүүл мэнд, амьдралын чанарыг дээшлүүлэхэд чухал хувь нэмэр оруулдаг хөдөлгөөн заслын мэргэжлийг сонгон эзэмшиж, энэ салбарын хөгжилд өөрсдийн мэдлэг, ур чадвараар хувь нэмрээ оруулахыг уриалж байна.

Ж.Чинбүрэн: Хөдөлгөөн заслын хөгжилд бодлогын дэмжлэг нэн чухал