Монгол хүүхдүүдийн сурах эрхийн төлөө хууль санаачилсан Үндэсний ассемблейн гишүүн Со Ёон Гюутай уулзлаа

Монгол, Солонгосын Засгийн газар хоорондын хамтарсан X хуралдаанд оролцох үеэрээ ЗГХЭГ-ын дарга Б.Энхбаяр Солонгос Улсын Үндэсний Ассамблейн Хууль зүйн байнгын хорооны дарга Со Ёон Гюутай уулзлаа.

Уулзалтын үеэр ЗГХЭГ-ын дарга Б.Энхбаяр Солонгос улсад байгаа монгол хүүхдүүдийн эх хэлээрээ сурч боловсрох эрхийг хангах чиглэлд онцгой анхаарал хандуулж буйгаа тодотгоод, Солонгос Улсад ажиллаж байгаа хүүхдүүдийн сурах эрхийн төлөө хуулийн төсөл санаачилж, тууштай ажиллаж байгаа хатагтай Со Ёон Гюуд чин сэтгэлийн талархал илэрхийллээ.

Эцэг эхийн оршин суух эрх зүйн байдлаас хамаарч үр хүүхэд нь сурч боловсрох эрхээ бүрэн хэрэгжүүлж чадахгүй байгаа нөхцөл байдлыг нягталж, Солонгос Улсад төрсөн хүүхдүүд боловсрол, эрүүл мэнд, нийгмийн үйлчилгээ авах, эх хэл, соёлоороо хүртээмжтэй суралцах боломжийг нэмэгдүүлэхэд хамтран ажиллахаар боллоо.