Ардчилсан намын бүлгээс 3 Ажлын хэсэг байгуулж ажиллана гэв

Өнөөдөр УИХ дахь Ардчилсан намын бүлгийн хуралдаанаар нийгэмд маргаан дагуулж буй гурван асуудлыг хэлэлцэж, санал дүгнэлтээ нэгтгэн дараах шийдвэрүүдийг гаргалаа.

1 ХЭВЛЭЛИЙН ЭРХ ЧӨЛӨӨ

Хэвлэл мэдээллийн эрх чөлөөний тухай хуулийн 4 дүгээр зүйлд "Төрийн байгууллага өөрийн мэдэлд хэвлэл мэдээллийн хэрэгсэлтэй байхыг хориглоно" гэж тодорхой заасан. Гэвч хэрэгжихгүйгээр барахгүй төрийн бүх байгууллагууд өөрсдөө хэвлэл мэдээллийн албатай болсон байна.

Цаашид хэвлэл мэдээллийн хэрэгсэл бие даасан, хараат бус байх ёстой гэсэн байр суурийг бүлгийн гишүүд нэгтгэж энэ чиглэлээр ажлын хэсэг байгуулж ажиллана.

2. БАЙГАЛЬ ОРЧИН, ИРГЭДЭД УЧРУУЛСАН ХОР УРШГИЙН ХАРИУЦЛАГА

Тавантолгойн нүүрсний уурхайгаас үүссэн сөрөг үр дагавар, Нөмрөгийн дархан цаазат газарт гарсан түймрийн улмаас байгаль орчинд үлэмж хэмжээний хохирол учирсан зэрэг нэн чухал асуудлуудыг хэлэлцлээ. Хохирол учирсан ч хариуцлага хүлээсэн хүн алга.

Буруутай этгээдэд хариуцлага тооцуулж, холбогдох байгууллагаар шударга шийдвэр гаргуулах ажлын хэсэг ажиллана.

3. МОНГОЛБАНКНЫ МӨНГӨ ХААШАА ЯВАВ?

Монголбанкнаас элдэв төсөл, хөтөлбөр санхүүжүүлдэг явдлыг зогсоох шаардлагатай.