Гэрт ойрхон хамгийн сайн сургуулийг зургаан зүйлээр олгоно

Сүүлийн үед “Гэрт ойрхон сургууль хамгийн сайн сургууль” бодлого хэрэгжүүлж байна.  Гэрт ойрхон хамгийн сайн сургуулийг зургаан зүйлээр олгох талаар Боловсролын сайд Л.Энх-Амгалан онцоллоо.

Тэрбээр “Энэ бол зөвхөн сургуулийн хүртээмжийн асуудал биш. Сургууль бүхэн сайн хөтөлбөртэй байх ёстой. Сайн хөтөлбөр сайн ур чадварыг олгодог.  Засгийн газраас саяхан ЭНХАУС-ийг зарласан.  ЭНХАУС гэдэг нь сургууль, цэцэрлэг бүхэн эрүүл, ногоон, хүртээмжтэй, аюулгүй, ухаалаг байх хэрэгтэй.  Хүүхэд сургуулийнхаа орчинд эрүүл байх ёстой.  Энэ хичээлийн жил сургууль, цэцэрлэгт суурилсан эрүүл мэндийн урьдчилсан эрт илрүүлэг үзлэгийг зохион байгуулж байгаа”-г тодотгов.

Мөн "Сургууль бүр дээр “Нэг аяга сүү”, “Амин ус”  хөтөлбөр хэрэгжиж байна. Хөдөөгийн бүх сургуулийг ариун цэврийн байгууламжаар хангаад нүхэн жорлонг энэ жил хааж дуусаж байна.

Та бүгдийг бүтээлч байна гэдэгт  итгэж байна. Ингээд та бүхнээсээ гурван зүйлийг хүсье.

Нэгдүгээрт, суралцагчдын оролцоог хангаарай.  Хүний эрхийг лекцээр биш хэлэлцүүлэг, баримт, шинжилгээ, нотолгоонд үндэслэн хэрэгжүүлээрэй.

Хоёрдугаарт,  хүүхдүүд юуг нь  ойлгоод, юуг ойлгохгүй байна гэдгийг ажиглаж, мэдэж, тэмдэглэж, аль хичээлийг илүү сайн болгох вэ гэдэг дээр бүтээлч, судлаач багш байгаарай.

Гуравдугаарт, багшийн үүрэг зөвхөн мэдлэг дамжуулах биш. Тийм учраас бие биенээсээ туршлага солилцож,  хамтдаа хэлэлцэн шийдэл гаргаж, санал санаачилгатай ажиллаарай гэж хүсье" гэв.