Үйл явдал4 мин унших
Ц.Баасанцэрэн: Хэрвээ би даатгуулчихсан бол 3 сая төгрөг төлөхийн тулд ажлаа алдахгүй л байсан

Сэтгүүлч unursaikhan
Одоохон...
Үйл явдал4 мин унших

Сэтгүүлч unursaikhan
Энэ оны гуравдугаар сард жолооч болсон. Гэхдээ өөрийгөө гайгүй сайн барьчихдаг гэж бодож байгаа.
Зөрчлийн дараах зураг. 2014.08.17
Миний хувьд ерөөсөө даатгал хийлгээгүй байсан. Сайн мэдэх ч үгүй явж байсан. Жолооны үнэмлэх авчихвал бүх зүйл нь цаанаасаа даатгачихдаг гэж ойлгосон. Нөгөө талаар ямар ч осол, зөрчил гаргахгүй гэж өөртөө их итгэлтэй байсан. Гэтэл өнгөрсөн наймдугаар сард өөрийг буруугаас болж 3 сая төгрөгний торгуульд унасан.
Өнгөрсөн 8 сарын 17-ны өглөө 7 цаг 30 минутын үед 11-р сургуулийн орчим дөрвөн зам тал руу яарч байсан учир гуравдугаар эгнээнээс даваад эргэчихсэн. Гэтэл хажуу талаас машин орж ирээд мөргөчихсөн. Би урд талаас нь шахаад орсон учир миний буруу байсан. Уг нь хуулиндаа жолооч уулзвараас 125 метрийн өмнө эгнээ байраа эзэлсэн байх учиртай. Гэтэл би зөрчил гаргасан.
Даатгуулаагүй байсан учир маш их сандарч, балмагдсан. Гэтэл нөгөө жолооч даатгалын талаар надад ойлгуулж, даатгуулах хэрэгтэй гэдгийг хэлсэн. Хэдийгээр даатгал өдөр бүр хэрэглэдэг талх шиг биш ч гэсэн амь тулсан үед хамгийн хэрэгцээтэй зүйл гэдгийг тэр үед л ойлгосон.
Үнэнийг хэлэхэд монголын жолооны курсууд хэзээ ч даатгалын талаар ойлгуулдаггүй даатгуулах ёстой гэсэн мэдээллийг ч өгдөггүй. Миний бодлоор цаашид энэ тал дээр ямар нэгэн санаачлага гаргаж, жолооны курсууд даатгалын компаниудтай хамтарч ажиллаасай гэж бодож байна. Хэрвээ би даатгуулчихсан бол 3 сая төгрөг төлөхийн тулд ажлаа алдахгүй л байсан.
Дээрх зөрчлөөс гурван сая төгрөгний хохирлыг төлсөн. Хэрвээ 33 мянган төгрөгөөр даатгуулчихсан бол 5 сая хүртэлх төгрөгийг даатгалаас гаргуулах боломжтой юм билээ. Тэрийг сүүлд нь мэдсэн.
Айдасгүй болсон. Дүрмээ бас яг яс барьж замын хөдөлгөөнд оролцож байгаа. Даатгал хийлгээд арай тайван болсон.
Жолооч хүнд жилдээ 33 мянган төгрөг олдохгүй байна гэж худлаа. Тиймээс хариуцлагаа даатгуулах л хэрэгтэй. Ялангуяа хүний амь нас, эрүүл мэнд, эд хөрөнгөний чухал асуудал яригддаг учир азанд найдаж явж болохгүй гэдгийг ойлгоосой гэж хүсч байна.
Хэтэрхий яарч яваад азанд найдсаны л хэрэг байх. Гэхдээ зөвхөн би ч гэлтгүй, бусад хүмүүс зөрчил гаргадаг. Бүр согтуугаар тээврийг хэрэгсэл жолооддог. Эцсийн эцэст бид өөрсдийгөө л хорлож байгаа. Хэрвээ би согтуугаар жолоо барьж байгаад хүний амь нас хохироовол яах вэ гэдгийг бодох ёстой.
Хүн болгон ухамсартай байх ёстой. Гэр бүл найз нөхөд нь ч гэсэн хажуунаас нь сайн нөлөөлөх хэрэгтэй. Заримдаа тэд муугаар нөлөөлдөг нь нууц биш.
Би нэгэнт алдаа гаргаад түүнийгээ ухамсарласан учраас нийгмийн талдаа ямар нэгэн ажил хийе гэж бодож байгаа.
Би олон жил FM-д ажилласан. Өөрийнхөө хувиар Албан журмын даатгагчдын холбоотой хамтраад онлайнаар хүмүүст хариуцлагатай байх зөв мессежийг өгөх ажлыг эхлүүлсэн байгаа.
Сайн ойлгоогүй байсан болохоор тухайн үед өөрөөсөө гаргасан. Уг нь хохирогч болон Албан журмын даатгалын газартайгаа тохиролцож сар бүр тодорхой хэмжээний мөнгө тушааж болдог юм билээ.