Байр суурь2 мин унших
Ц.Даваасүрэн: Хөгжлийн банкны тухай хуулийн төслийг өнөө, маргаашгүй яаралтай батлах ёстой

Сэтгүүлч Munkhtuya_vip
Одоохон...
Байр суурь2 мин унших

Сэтгүүлч Munkhtuya_vip
Хөгжлийн банкны талаар улс төрийн шийдэл бий. Хөгжлийн банкны тухай хуулийн шинэчилсэн найруулгын төслийг одоо батлахгүй юм бол чуулган маргааш завсарлана.
Гуравдугаар сарын 20 гэхэд тайлан, баланс гарсан байх ёстой. Нөгөө талаараа бизнесийн мөчлөг хавраас эхэлнэ. Энэ үед хөрөнгө босгох боломжоо алдчих юм бол бүтэн нэг жилийн хугацаатай Хөгжлийн банкны үйл ажиллагаа саатах болчихоод байна.
Хөгжлийн банкнаас олгох санхүүжилтийг төсвөөс гадуур явуулах уу, Олон улсын валютын сангийн хөтөлбөртэй уях уу гэдгээ шийдэх ёстой.
Олон улсын валютын сангийн эсрэг яриад байгаа юм биш. Иймэрхүү асуудлыг хэлэлцэж ярилцана уу гэхээс биш тавьсан шаардлага бүрийг ёсчлон биелүүлэхгүй. Хэлэлцээрийн ширээнд сууж ярилцах ёстой. Би хэд хэдэн удаа хэлсэн.
Олон улсын валютын сангаас тавьсан шаардлага болгоныг ёсчлон биелүүлэх биш харилцан ярилцаж, хамтын шийдвэр гаргах ёстой. Олон улсын валютын сангийн дэмжлэгийг авах ёстой гэсэн байр суурийг удаа дараа илэрхийлсэн шүү дээ.