Үйл явдал3 мин унших
Шүүх засаглалын өөрчлөлтөд хэн, юу хэлэв

Эх сурвалж:
Үндэсний ШууданОдоохон...
Үйл явдал3 мин унших

Эх сурвалж:
Үндэсний ШууданГэвч чуулганы хуралдаанаар хэлэлцэхийн өмнө шүүх засаглалтай холбоотой зохицуулалтуудын талаарх нэгдсэн санал нь задарсан бололтой. Тодруулбал, 62 гишүүний өргөн барьсан Үндсэн хуулийн нэмэлт, өөрчлөлтийн төсөлд ес, Ерөнхийлөгчөөс өргөн мэдүүлсэн саналд дөрвөн заалт байсныг нэгтгэж, нийт гурван заалт болгожээ. Үүнд шүүхийг хэрхэн байгуулах тухай, Шүүхийн ерөнхий зөвлөл ямар бүтэцтэй байх, шүүгчид хариуцлага тооцдог сахилгын хороо ямар бүтэцтэй байх вэ гэсэн үндсэн гурван асуудлыг тусгасан байна.
Харин Үндэсний аюулгүй байдлын зөвлөл өчигдөр хуралдаж, шүүх засаглалтай холбоотой зохицуулалтыг хэлэлцсэний дараа УИХ-ын чуулганы хуралдааныг хуралдуулах гэсэн боловч дахин ирц хүрээгүйгээс хуралдаан хойшлов. Ингээд Үндсэн хуульд оруулах нэмэлт, өөрчлөлтийн төсөлд тусгах шүүх засаглалтай холбоотой зохицуулалтын талаар УИХ-ын гишүүд ямар байр суурь илэрхийлснийг хүргэе.

-Төрийн институц хоорондын уялдаа холбоо, эрх үүргийн хуваарилалт нь өөрөө хараат бус, тэгш байх зарчмыг Үндсэн хуулийн энэ удаагийн өөрчлөлтөөр хийхийг зорьж байгаа. Ялангуяа шүүх засаглалд хүмүүс маш шүүмжлэлтэй хандаж байгаа учраас хараат бус байдлыг нь хангах ёстой. Нийгэм шударга байхын баталгаа нь шүүх засаглал шударга байхтай шууд холбоотой. Харин иргэд нийтээрээ шүүхэд итгэхээ больчихсон. Тиймээс аль болох шүүхийг хараат бус байлгах, нөлөөнд оруулах байгууллагуудаас хол байлгах нь зөв.

-Шүүхийн тогтолцоонд асуудлууд бий. Бид шүүх засаглалын тогтолцоонд маш шүүмжлэлтэй байдаг. Ард нийтийн зүгээс ч их бухимдалтай байгаа. Шүүх засаглалыг шударга зөв болгохын тулд тодорхой өөрчлөлтүүд хийж байгаа. Жишээлбэл, Шүүхийн ерөнхий зөвлөлд шүүхээс гадна УИХ, ард иргэдийн төлөөллийг оруулъя гэж байгаа юм. Ингэж шударга ёс, эрүүл уур амьсгалыг бий болгох гэж оролдож байгаа юм.
Тиймээс нэгдсэн саналтайгаар 12 жил гэдгийг болиулсан. Ерөнхийлөгч шүүх тогтолцоог өнөөдрийн байгаагаар үргэлжлүүлэх санал гаргасан. УИХ-ын гишүүдийн өргөн барьсан хуулийн төслийн зохицуулалтыг гишүүдийн олонх нь дэмжиж байгаа.

-Би УИХ-ын гишүүдийн өргөн барьсан саналыг дэмжиж байгаа. Харин шүүгчдийг олон жилээр томилох саналыг өөрчилж байгаа. УИХ-ын гишүүдийн өргөн мэдүүлсэн төсөлд хоёр давуу тал бий. Шүүхийн ерөнхий зөвлөлийг 10 гишүүнтэй болгож тавыг нь парламент, тавыг нь мэргэжлийн байгууллагаас томилохоор тусгасан. Нөгөө нь иргэнийг оруулсан хариуцлагын зөвлөл байгуулахаар тусгасан нь чухал зохицуулалт. Хууль шүүхийн байгууллагыг бие даасан хараат бус байлгахын тулд энэ өөрчлөлтийг хийх хэрэгтэй.