Онцлох мэдээ2 мин унших
УИХ-ын дарга Г.Занданшатар Чингэлтэйн иргэдтэй уулзлаа

Эх сурвалж:
УИХ-ын Хэвлэл мэдээллийн албаОдоохон...
Онцлох мэдээ2 мин унших

Эх сурвалж:
УИХ-ын Хэвлэл мэдээллийн албаСоёлын төв өргөөнд болсон уулзалтын эхэнд тэрбээр УИХ-аас хэрэгжүүлж буй бодлого, үйл ажиллагааны талаар иргэдэд танилцуулсан юм.

УИХ, Засгийн газар түүхэн чухал цаг үед, ард түмнийхээ итгэлийг дааж ажиллах, Монгол орноо хөгжил дэвшлийн шинэ замд гаргах эрмэлзэл дүүрэн байна. Үүний тулд халамжаас бүтээмжид шилжиж, үйлдвэрлэгч орон болох, төрд хариуцлага, ёс зүйн зарчмыг бүрэн хэвшүүлэх зорилт дэвшүүлсэн гэж тэрбээр онцоллоо.
Эдгээр баримт бичиг салбар бүрт эрс шинэчлэлт, өөрчлөлт хийх, улсаа сэргэн мандлын замд гаргах цоо шинэ агуулгатай гэдгийг УИХ-ын дарга тэмдэглэлээ.

Түүнчлэн УИХ Үйлдвэржилтийн бодлогын, Ёс зүй, сахилга хариуцлагын, Инноваци, цахим бодлогын байнгын хороотой болж, тус байнгын хороодын гишүүд идэвх санаачилгатай ажиллаж байгааг дурдлаа. Үйлдвэрлэлийг зээлийн бодлого, татварын хөнгөлөлтөөр дэмжих нь нэн чухал тул зээлийн хүүг бууруулах стратеги баталсан. Одоогоор 1 хувь буураад байна. Жил бүр нэг хувиар бууруулж, цаашид 1 оронтой тоонд хүргэхээр төлөвлөж байна гэлээ.

Иргэд эрүүл мэндийн үйлчилгээний хүртээмжийг сайжруулах, Хүүхдийн мөнгийг хүүхдийн хөгжилд зориулан үргэлжлүүлж олгох, сонгуулийн тогтолцоонд шударга ёсыг хэвшүүлэх, замын түгжрэлийг яаралтай шийдэх зэрэг асуудлаар саналаа хэлж, асуулт асуусан юм.
Уулзалтад Хөдөлмөр, нийгмийн хамгааллын сайд А.Ариунзаяа, Эрүүл мэндийн сайд Т.Мөнхсайхан нар оролцож, салбартаа холбогдох асуултуудад хариулт өглөө.