Сүхбаатар аймгаас энэ жил Улсын Хошой аварга малчин нэг, Улсын аварга малчин дөрвөн өрх тодорчээ. Тодруулбал, Сүхбаатар аймгаас тодорсон Монгол Улсын "Хошой аварга малчин өрх", “Улсын аварга малчин өрх”-ийн шагналыг өчигдөр гардууллаа.
Шагналыг, УИХ-ын гишүүн Н.Ганибал, ЗТЯ-ны дэд сайд Ж.Бат-Эрдэнэ, Жижиг, дунд үйлдвэрийн газрын дарга Я.Эрдэнэсайхан, Сүхбаатар аймгийн Засаг дарга М.Идэрбат, Нутгийн зөвлөлийн дарга У.Отгонбаяр болон холбогдох албаны хүмүүс малчны хотонд нь очиж хүндэтгэл үзүүлэн, гардуулж өгсөн байна.