АРХАНГАЙ АЙМАГ АГААРЫН ЧАНАРЫГ ХЯНАХ АВТОМАТ СТАНЦТАЙ БОЛЛОО

БНСУ-ын буцалтгүй тусламжаар 21 аймгийн Ус, цаг уур, орчны шинжилгээний төвийг агаарын чанарын автомат станцаар хангахаар төлөвлөсөн.

Агаарын чанарыг хянах автомат станц суурилуулах ажлыг Архангай аймгаас эхлүүллээ. Энэхүү станц нь хүхэрлэг хий, азотын ислүүд, байгаль орчны суурь үзүүлэлтүүд, нарийн тоосыг 24 цаг тасралтгүй хэмжинэ. Өнгөрсөн хугацаанд 08.00, 12.00, 20.00 цагуудад механик байдлаар төв суурин газруудын агаарын чанарыг хэмждэг байсан бол өнөөдрөөс эхлэн минут тутамд тооцоолох боломжтой боллоо.

Энэ сардаа багтааж Завхан, Увс аймагт агаарын чанарыг хэмжих багажийг суурилуулна. Мөн Хөвсгөл, Орхон, Дархан -Уул аймгууд тавдугаар сард агаарын чанарыг хэмждэг автомат станцтай болно.
Бохирдлыг хэмжиж чадвал хянаж чадна, хянаж чадвал бууруулж бас чадна.