Байр суурь3 мин унших
М.Нарантуяа-Нара: Сүүлийн 5 жилд 0-7 насны 110 хүүхэд бэлгийн хүчирхийллийн хохирогч болжээ, хүүхдийн эрхийн энэ ноцтой асуудал АН-ын асуудал биш юм уу?
Сэтгүүлч soyolmaa
Одоохон...
Байр суурь3 мин унших
Сэтгүүлч soyolmaa
Уг илтгэлтэй холбогдуулан гишүүд үг хэлж, асуулт асуулаа.
УИХ-ын гишүүн М.Нарантуяа-Нара:
Гэхдээ энэ нь харамсаад өнгөрөх зүйл биш. Иргэд олон нийт ч гэсэн өөрсдийнхөө итгэл хүлээлгэж сонгосон , УИХ-ын гишүүд, нам, улс төрийн эвслээсээ тэгш жигд хариуцлага нэхдэг байгаасай гэж бодсондоо үүнийг хэлж байгаа юм. Энэ удаад хүүхдийн бэлгийн хүчирхийллийг онцолж оруулж ирсэн нь учиртай. Жилээс, жилд өсөн нэмэгдэж байгаа энэ асуудлыг өнөөдөр бид нар учир шалтгаан нөхцөл байдлыг нь тодруулаад, хэлэлцэж явахгүйгээр зөвхөн дүн үзүүлэлтийг нь яриад цаашдаа ямар ч ахиц дэвшилтгүй байх юм байна гэсэн баталгааг энд байгаа үзүүлэлтүүдээс харж байгаа юм.
ХЭҮК энэ үзүүлэлт, судалгаанууд дээр харьцангуй сайн ажилласан ч, хамтарсан багийн 31820 тохиолдолыг төрөл зүйлээр ойлгомжтой ангилаагүй байгаа нь учир дутагдалтай харагдаж байна. Жишээлбэл, хүүхдээ хүчирхийлээд байгаа хүмүүс яг ямар төрлийн хүмүүс байгаад байгаа юм бэ? Үнэхээр цус ойртчихсон хүмүүс нь хүүхдүүдээ, ураг, төрлөө хүчиндээд байгаа юм уу, эсвэлхойд эцгүүд байгаад байна уу. Үүний учир, шалтгаан нөхцөлийг нь тодруулж мэдэхгүйгээр ажил явахгүй. Түүнчлэн алслагдсан газруудад байгаад байгаа юм уу, нийслэлд үү гэх мэт газарзүйн байршил чухал байна.