Засгийн газрын ээлжит хуралдаанаас гаргасан шийдвэрийн талаар мэдээллээ. Төрийн өмчит компаниудын үйл ажиллагааг сайжруулах, шинэчлэх чиглэлээр Төрийн өмчийн бодлого, зохицуулалтын газрын мэдээллийг сонсож, энэ чиглэлээр Үндсэн чиглэл боловсруулж, УИХ-д өргөн мэдүүлэхэд бэлтгэхийг сайд нарт үүрэг болгосон байна.

Төрийн өмчийн бодлого, зохицуулалтын газрын дарга Б.Цэнгэл төрийн өмчийн компаниудын үр ашгийг сайжруулах, 2024-2028 онд төрийн болон төрийн өмчийн оролцоотой компанийг өөрчлөн байгуулах, хувьчлах, биржээр дамжуулж олон нийтэд нээлттэй хувьцааг нь арилжаалж, хувьцаат компани болгох талаар дараах мэдээллийг танилцууллаа.

Тус 20 компанийн 10-66 хүртэлх хувийг Монголын болон гадаад дотоодын хөрөнгийн биржээр дамжуулан олон нийтэд нээлттэй хувьцаат компани болгох асуудлыг уг хуулийн төсөлд тусгажээ.
Үүнд:
1.Эрдэнэт үйлдвэр
2.МонРоствемтет
3.Эрдэнэс Тавантолгой
4.МИАТ ТӨКХ
5.Төрийн банк
6.Хөдөө аж ахуйн бирж
7.Хөдөө аж ахуйн корпорац
8.Үндэсний давхар даатгал
9.Эрчим хүчиний 11 компани багтаж байна.

17 компанийг цөөлөх, 9 компани дээр бүцсийн өөрчлөлт хийж, татан буулгаж, нэгтгэх чиглэлээр тодорхой саналуудыг танилцуулжээ.

Монголын үнэт цаасны клирингийн төвийг Монголын үнэт цаасны төвлөрсөн хадгаламжийн төвтэй нэгтгэх
Монгол, Кувейтийн байгаль хамгаалах төвийг Уур амьсгалын өөрчлөлтийн судалгаа хамтын ажиллаганааы төвтэй нэгтгэх
Баруун бүсийн эрчим хүчний систем, Алтай, Улиастайн эрчим хүчний системийг Цахилгаан дамжуулах эрчим хүчний системтэй нэгтгэх
Ховд, Увс, Дөргөний усан цахилгаан станцыг нэгтгэх
Богдын голын усан цахилгаан станц, Тосонцэнгэлийн усан цахилгаан станц, Тайширын усан цахилгаан станцыг нэгтгэх
Алтай, Улиастайн салбар болон бусад түгээх сүлжээний компаниудыг нэгтгэх
Шингэн түлш ачих байгууламжуудыг Эрчис Ойл компанид нэгтгэх арга хэмжээг ойрын үед авч хэрэгжүүлэхээр танилцууллаа.

Татан буулгаж, нэгтгэж нийлүүлэх 9 компани

Авто импекс компанийн шүүхийн маргаантай асуудлыг Сангийн яамтай ярилцаад төрийн мэдлийн хувьцааг худалдах чиглэлийг барина.
Эрчим хүчний эдийн засгийн хүрээлэнг татан буулгана.
Боомтын хөгжлийн корпорацыг татан буулгана.
Төр хувийн хэвшлийн түншлэлийн төв, Эрдэнэт медикал эмнэлгийг Зүүн бүсийн хавдрын оношилгоо дэд төв болгохоор шийдлээ.
Тавантолгой түлшийг нийслэлийн өмчит бүрэн шилжүүлэх,
Аялал жуулчлалын үйлчилгээний төвийг татан буулгах
Багануур эрчим компанийг татан буулгах зэрэг арга хэмжээг дэс дараатай авч хэрэгжүүлэхээр боллоо.

Өнөөдрийн байдлаар төрийн болон төрийн өмчийн оролцоотой 109 компани үйл ажиллагаа явуулж байгаа. Дээр дурдсан хэрэгжүүлэх арга хэмжээний хүрээнд 109 компани 87 болгон цөөрүүлнэ.

Мөн өнөөдөр Засгийн газрын хуралдааны үеэр Ерөнхий сайд удахгүй агентлагийн бүтцийг Засгийн газраар хэлэлцэх гэж байгаатай холбогдуулан давхацсан чиг үүрэгтэй, салбарын сайдын бодлогын хүрээнд үйл ажиллагаа явуулж байгаа төсөвт болон аж ахуйн тооцоотой үйлдвэрийн газруудад байгаа чиг үүргийн давхардлыг арилгах саналыг мөн боловсруулж, ирэх долоо хоног танилцуулахыг манай газарт болон холбогдох сайд нарт үүрэг болгосон.

Төрийн өмчит компаниудын захирлын цалин, хангамжийн асуудлыг ярьсан. Үйл ажиллагааны үр дүн, компанийн ашиг орлогод нийцсэн цалин урамшууллын системийг хэрэгжүүлэх ёстой гэдгийг Ерөнхий сайд удаа дараа илэрхийлж байгаа. Тиймээс энэ дагуу олон улсын байгууллагуудтай хамтран аргачлалыг боловсруулж байна. Төрийн өмчит компанийн захирлын хамгийн өндөр цалин, дунд дүн, бага дүн гэдэг дээр судалгаа хийсэн. Гол нь үндсэн цалин тийм өндөр биш. Харин жилийн эцсээр ажлын үр дүнд нь тулгуурлан урамшууллын системийг шинэчлэх асуудлыг танилцууллаа. Ирэх долоо хоногийн Засгийн хуралдаанд эцэслэн танилцуулна" гэлээ.

Б.Цэнгэл: УИХ-д өргөн мэдүүлэх Үндсэн чиглэлийн төсөлд нийт 20 компанийг өөрчлөн байгуулахаар санал орууллаа