УИХ-ын гишүүн Б.Мөнхсоёл өчигдөр /2025.09.07/ хог хаягдлын менежментээр олон улсад 30 гаруй жил зөвлөх хийсэн Франк Хермэнтэй уулзаж ярилцсан юм.
Тэрбээр "Айл өрх, аж ахуйн нэгж бүр өдөр болгон маш их хог үйлдвэрлэж байна. Бүгд л хогоо хаяхдаа маш их санаа зовдог байх. Тэр их хогийг газарт булж байгаа (land filling).
Сүүлийн үед пластик савыг (ус, ундааны зарим шаардлага хангах сав) -ыг дахин боловсруулж байгаа ч үлдэж буй хогийн хэмжээ их өндөр хэвээр. Зарим хүмүүс хог шатаах замаар эрчим хүч үйлдвэрлэнэ гэж буй ч энэ нь үйлдвэрлэхдээ ч, түгээхдээ ч асар өндөр зардалтай, бараг л ашиггүй шахам юм байна. Дахин боловсруулагдахгүй хогийг шатааж харин үнсийг нь зам барих, цемент хийхэд ашиглаж болох нь. Гэхдээ бүх хог биш…

Байгаль дэлхий, газар нутгаа хайрлая, хамгаалъя, гамная гэвэл хууль эрх зүйн орчин бүрдүүлж цаг хожихгүй бол болохгүй болжээ" хэмээн уулзалтын талаарх сэтгэгдлээ өөрийн цахим хаягаар дамжуулан хуваалцлаа.