Байр суурь2 мин унших
П.Батчимэг: Монгол Улсын иргэд бид хоол идээд байна уу, хор идээд байна уу гэдгээ бодох цаг болсон
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд асуулт асуув.
УИХ-ын гишүүн П.Батчимэг:
Хууль санаачлагчдын зүгээр өдгөө хүчин төгөлдөр хэрэгжиж байгаа хуулийн хэрэгжилтийн үр дагаварт хийсэн үнэлгээний тайланд бидэнд ирсэн. 2012 онд батлагдсанаас хойш хэрэгжилтийг нь анх удаа л тайлагнаж гаргаж ирж байна.
Мөн Монгол Улсад хүнсний аюулгүй байдал хангагдахгүй байх нөхцөл, шалтгааныг хүнсний салбарт үйл ажиллагаа явуулж байгаа 200 мянган ААН зохицтой дадлынн стандартыг нэвтрүүлээгүй, улсын хэмжээнд 2 байдаг стандартыг нэвтрүүлснийг баталгаажуулдаг итгэмжлэгдсэн байгууллагатай холбоотой гээд дүгнэчихсэн байгаа юм. Зохицтой дадлын стандарт нэвтрүүлснийг заавал баталгаажуулдаг үүрэгт зохицуулалт ороод ирлээ. Тэгэхээр тайланд тусгагдсан эрх бүхий байгууллагаас хяналт, удирдлагын тогтолцоо нэвтрүүлсэн байдлыг үнэлж гэрчилгээ олгосон нийт 33 ААН байгаагаас 17 нь Хүнсний аюулгүй байдлын удирдлагын тогтолцоо ISO22000 стандарт, 16 ААН нь аюулгүй байдлыг хянан шинжлэх тогтолцоог нэвтрүүлсэн байна. Тэгэхээр эдгээр ААН өнөөдрийг хүртэл үйл ажиллагаандаа зохицтой дадлыг нэвтрүүлээгүй гэж дүгнэж байна уу?
Хүнсний аюулгүй байдлыг хангах тухай хуулийн нэрийг Хүнсний баталгаат байдлыг хангах тухай гэж өөрчлөх өөрчлөлт оруулж ирснээрээ ямар бодитой үр дүнд хүрэх вэ? Хүнсний аюулгүй байдал хэрхэн хангагдах вэ?