Онцлох мэдээ2 мин унших
Н.Учрал: Хойд, Төвийн бүсийн аймгуудын иргэдийн санал хүсэлт Засгийн газрын хуралдаанаар шийдвэрлэгдлээ

Сэтгүүлч Ц.Соёлмаа
Одоохон...
Онцлох мэдээ2 мин унших

Сэтгүүлч Ц.Соёлмаа
Хойд болон төвийн бүсийн таван аймгийн нийт 2100 гаруй иргэдтэй уулзаж, салбар бүрийн тулгамдсан асуудлаар нээлттэй ярилцсан.
Иргэд үнийн өсөлт, цалин тэтгэврийн нэмэгдлээс гадна орон нутагт чиглэсэн хөрөнгө оруулалтыг нэмэгдүүлж, дэд бүтэц, бүтээн байгуулалтын төслүүдийг урагшлуулах саналуудаас дэвшүүлж байв.
Уулзалтаар хөндсөн асуудлуудыг нэгтгэн, Засгийн газрын ээлжит хуралдаанаар хэлэлцүүлж, холбогдох арга хэмжээг авч хэрэгжүүлэхийг салбарын сайд нарт даалгалаа.
Тухайлбал:
Сэлэнгэ аймгийн төвд баригдаж буй 70 мВт-ын дулааны цахилгаан станцын инженерийн шугам сүлжээг барьж байгуулахад шаардлагатай санхүүжилтийг яаралтай шийдвэрлэх;
ЕАЭЗХ-той байгуулсан Худалдааны түр хэлэлцээрийн хүрээнд “Алтанбулаг” чөлөөт бүсийг экспортын төв болгон хөгжүүлж, ложистикийн төв байгуулах ажлыг судалж танилцуулах;
Дархан, Сэлэнгийн бүсэд Ган үйлдвэрлэлийн цогцолбор байгуулах төслийн хөрөнгө оруулагчийг сонгох ажлыг эрчимжүүлэх;
Эрдэнэ үйлдвэрийн цагаан тоосны тархалтаас улбаатай иргэдийн эрүүл мэнд, байгаль орчинд үзүүлэх нөлөөллийн үнэлгээг даруй хийж, сөрөг нөлөөллийг бууруулах чиглэлээр шаардлагатай арга хэмжээг авч хэрэгжүүлэх;
Орхон аймаг дахь БОЭТ-ийн барилгын өргөтгөл, их засварын зардлыг улс, орон нутгийн төсөвт үе шаттайгаар тусган шийдвэрлэх;
Булган аймгийн Хөгжимт жүжгийн театрын барилга, 3 дугаар сургуулийн дотуур байрыг тус тус шинээр барих санхүүжилтийг ирэх оны улсын төсөвт тусган шийдвэрлэх;
Мөрөн-Шинэ-Идэр-Жаргалант чиглэлийн босоо тэнхлэгийн 189 км хатуу хучилттай авто замын ажлын зураг, төслийг боловсруулж, ирэх оны улсын төсөвт тусгах;
Хөвсгөл аймгийн Мөрөн, Булган аймгийн Булган суманд байгалийн баялаг, нөөцөд тулгуурлан сайжруулсан шахмал түлшний үйлдвэр байгуулах ажлыг судалж, танилцуулах;
Хөвсгөл аймгийн Хүүхэд хамгаалал, хөгжлийн төв, Музейн барилгын зураг төслийг боловсруулах, ирэх оны төсөвт санхүүжилтийг тусган шийдвэрлэх зэрэг арга хэмжээг авч хэрэгжүүлэхээр болжээ.
