Үйл явдал1 мин унших
Ерөнхий сайд Н.Учрал, Засгийн газрын гишүүд хөрөнгө оруулагч, бизнес эрхлэгчдэд "Эрх чөлөөний дөрвөн зам - дөрвөн чөлөөлөлт"-ийн бодлогоо танилцууллаа

Одоохон...
Үйл явдал1 мин унших

Монгол Улсын Ерөнхий сайд Н.Учрал Монгол Улсад суугаа дипломат төлөөлөгчийн газар, олон улсын банк, санхүүгийн байгууллагууд, олон улсын худалдааны танхимууд, хувийн хэвшил, хөрөнгө оруулагчдын төлөөллийг хүлээн авч уулзан, Засгийн газрын хэрэгжүүлж буй “Эрх чөлөөний дөрвөн зам, дөрвөн чөлөөлөлт”-ийн бодлого, түүний хүрээнд хийсэн ажлууд болон цаашдын зорилт, төлөвлөгөөг танилцууллаа.

Уулзалтын үеэр богино хугацаанд хэрэгжүүлсэн бодлогын арга хэмжээнүүд, тухайлбал иргэн, аж ахуйн нэгжийн үйл ажиллагаанд учирч байсан саад бэрхшээлийг бууруулах, зөвшөөрөл, хяналт шалгалтыг цөөлөх, төрийн үйлчилгээг цахимжуулах, бизнесийн орчныг либералчлах чиглэлээр гарсан ахиц дэвшлийг онцлон мэдээлэв. Мөн татварын орчны шинэчлэл, эрчим хүчний салбарын реформ, хувийн хэвшлийн оролцоог нэмэгдүүлэх бодлогын талаар ярилаа.
Түүнчлэн авлигатай тэмцэх, ил тод байдлыг бэхжүүлэх, төрийн өмчит компаниудын засаглалыг сайжруулах, хиймэл оюуны хэрэглээг төрийн үйл ажиллагаанд нэвтрүүлэх чиглэлээр авч хэрэгжүүлж буй арга хэмжээний талаар мэдээлж, цаашид гадаадын хөрөнгө оруулалтыг дэмжих эрх зүйн орчныг боловсронгуй болгох, банк, санхүүгийн салбарын шинэчлэлийг гүнзгийрүүлэх, стратегийн томоохон үйлдвэрлэл, дэд бүтцийн төслүүдийг хэрэгжүүлэх, чөлөөт бүсүүдийг шинэ загвараар хөгжүүлэх зорилтыг танилцуулав.