Байр суурь2 мин унших
Б.Уянга: Уур амьсгалын өөрчлөлтийн хууль бүрэн хэрэгжихэд салбар хоорондын уялдааг хэрхэн анзаарч суулгав?
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Б.Уянга:
Уур амьсгалын өөрчлөлтийн тухай хууль байх ёстой. Өнөөдөр ярилцаж байгаа хуулийн төслийн гол асуудлыг нь хуулийн үзэл баримтлал дээр гаргаад тавьчихсан байгаа. Тэгэхдээ судалгаа хангалттай байгаагүй гэдгийг хэлье. Температурын өсөлт, ган зудын давтамж нэмэгдээд байна. Нуур, мөсөн голын талбай эрс багаслаа. Хот руу шилжих хөдөлгөөн нэмэгдсэн, Улаанбаатар хотын ачаалал өссөн гэх мэт. Энэ мэт бүх асуудлуудаа зоогоод тавьчих. Цаашаагаа хууль гарснаар яах бэ гээд ирээдүй рүү чиглэсэн прогноз, датанууд, судалгаанууд дутуу байна!
Нэгт, Монгол Улсад уур амьсгалын өөрчлөлтийн эсрэг бодлого гарч ирээд, зохицуулалт, карбон зах зээл, ногоон санхүүжилтийн үндсэн эрх зүйн тогтолцоог хуулиараа бий болгох гэж байна гэж үзвэл салбар хоорондын уялдаа манайд их бага байдаг. Тэрийгээ яаж хангах билээ? Үзэл баримтлалын хүрээнд дээр асуухад ХАА-н салбар, эрчим хүч, барилга, тээвэр, хог гэх мэт салбарууд тус тусынхаа өөрийн хуулиар өөрийн бодлоготойгоор зохицоод явна. Аль нэг салбар нь түрүүлээд зарим нь хоцрох ч магадлалтай. Тэгэхээр уур амьсгалын өөрчлөлтийн хууль бүрэн хэрэгжих дээр салбар хоорондын уялдааг хэрхэн анзаарч, суулгасан вэ?
Хоёрт, Мэдээллийн сангийн асуудлыг угаасаа та хэд хүлээн зөвшөөрсөн байгаа. Хүлэмжийн хийн тооллого, мэдээллийн сан хангалтгүй гээд. Хуулийг хэрэгжих хэрэгжүүлэхийн тулд мэдээж суурь дата сан бий болох ёстой. Үүн дээр ямар ажлууд төлөвлөж байна?