УИХ-ын гишүүн Д.Үүрийнтуяагийн Ажлын албанаас Хөвсгөл аймгийн Тосонцэнгэл суманд баригдаж буй “Нийтийн халуун ус”-ны барилгын ажлын явцтай танилцлаа.

Тус барилгын санхүүжилтийг 2026 оны улсын төсвийн хэлэлцүүлгийн үеэр УИХ-ын гишүүн Д.Үүрийнтуяа зарчмын зөрүүтэй санал гарган улсын төсөвт тусгуулсан бөгөөд барилгын ажлыг “Жавхлан Хүслэн” ХХК гүйцэтгэж байна.

Барилгын ажлын гүйцэтгэл 52%, газар шорооны болон дулаан, бохирын шугамын ажил хийгдэж, өрлөгийн ажил дуусах шатандаа үргэлжилж байна.

Тус барилгын ажлыг 2026 оны улсын төсөвт 650 сая төгрөг тусгагдсан боловч магадлалын дүгнэлтээр төсөвт өртөг 1.104 тэрбум төгрөгөөр батлагдсан байна.

Иймд үлдэгдэл 454.5 сая төгрөгийн санхүүжилтийг 2026 оны төсвийн тодотголд тусгуулж, барилгын ажлыг бүрэн дуусгах хүсэлтийг сумын удирдлагууд ирүүлсэн бөгөөд уг хүсэлтийг шийдвэрлүүлэх чиглэлээр холбогдох байгууллагуудтай хамтран ажиллаж байна.