Ахмадуудаа хүлээн авч, хүндэтгэл үзүүллээ

“Монголын төмөр зам” ТӨХК-ийн хамт олон Олон улсын ахмадын өдрийг тохиолдуулан ахмадуудаа хүлээн авч, хүндэтгэл үзүүллээ.

Энэ үеэр “Монголын төмөр зам” ТӨХК-ийн хөгжилд үнэтэй хувь нэмэр оруулж, олон жил үр бүтээлтэй ажиллан, инженер, техникийн шинэ санал санаачилгыг ажил хэрэг болгон хэрэгжүүлж ирсэн ахмадууддаа талархал илэрхийлэв.

“Монголын төмөр зам” ТӨХК-ийн 13 ахмад нэгдэн 2026 оны тавдугаар сард “Ахмадын хүндлэл” холбоог байгуулсан бөгөөд төмөр замын тээвэр зохион байгуулалт, зам, гүүр хоолой, хиймэл байгууламж, барилга, инженерийн чиглэлээр олон жил хуримтлуулсан мэдлэг, туршлагаа залуу үеийнхэнд өвлүүлэн, мэргэжил арга зүйн зөвлөгөө өгч, компанийн үйл ажиллагаанд идэвхтэй оролцон ажиллаж байна.

Мөн энэ үеэр 2016 оноос Төмөртэй өртөөнд Зүтгүүрийн хүлээн авагч, засварчнаар ажилласан өндөр настан И.Сүхбатыг “Хүндэт төмөр замчин” цол тэмдгээр шагналаа.