Улаанбаатар болон Хөх хот хооронд ах дүү хотын харилцаа тогтоосны 35 жилийн ой тохиож байна

Монгол Улсын нийслэл Улаанбаатар хот болон БНХАУ-ын Өвөр Монголын Өөртөө Засах Орны төв Хөх хотын хооронд ах дүү хотын харилцаа тогтоосны 35 жилийн ой тохиож байна.

НИТХ-ын төлөөлөгч З.Төмөртөмөө:

"35 жилийн ойн ач холбогдолын хувьд энэхүү ой нь зөвхөн хоёр хотын түүхэн харилцааг тэмдэглэхээс гадна

1. Монгол, Хятадын орон нутгийн харилцааг бэхжүүлэх;
2. иргэд, залуучууд, сурагчдын харилцан солилцоог өргөжүүлэх;
3. худалдаа, аялал жуулчлал, хөрөнгө оруулалтыг нэмэгдүүлэх;
4. хотын хөгжил, эрүүл мэнд, байгаль орчны асуудлаар туршлага солилцох;
5. хоёр хотын иргэдийн харилцан ойлголцол, найрамдлыг гүнзгийрүүлэх ач холбогдолтой юм. 

Одоогоос 5 жилийн өмнө Хотын орлогчоор ажиллаж байх үеийн зураг гэрэл зургийн үзэсгэлэнгээс олж харав. Тухайн үед 2 хотын 30 жилийн хамтын ажиллагааны ой тохиож байсан бөгөөд биеэр уулзах нь бүү хэл ковидын хүнд цаг үе байв. Энэ үед цахимаар бид ойн үйл ажиллагааг анх удаа хийж байсан" хэмээн дурсав.