Мэдээллийн аюулгүй байдлыг хангахад ажилтны оролцоо, хариуцлагыг нэмэгдүүлнэ

“Монголын төмөр зам” ТӨХК-ийн ажилтнуудын мэдээллийн аюулгүй байдлын талаарх мэдлэг, ойлголтыг дээшлүүлэх зорилгоор ISO/IEC 27001 стандартын хүрээнд “Мэдээллийн аюулгүй байдал” сэдэвт сургалт зохион байгууллаа.

Сургалтад компанийн төв оффисын ажилтнууд танхимаар, өртөө, зөрлөгийн ажилтнууд цахимаар хамрагдав.

Тус сургалт нь байгууллагын мэдээллийн хөрөнгийг хамгаалах, мэдээллийн аюулгүй байдлыг хангахад ажилтан бүрийн үүрэг, хариуцлагыг таниулах, өдөр тутмын үйл ажиллагаандаа мэдээлэлтэй аюулгүй, хариуцлагатай харьцах дадал хэвшлийг төлөвшүүлэхэд чиглэлээ.