Онцлох мэдээ3 мин унших
"Монгол Улсын усны нөөц, ус ашиглалтын талаар Засгийн газраас баримталж буй бодлогын талаар" асуулга тавилаа

Сэтгүүлч soko
Одоохон...
Онцлох мэдээ3 мин унших

Сэтгүүлч soko
Асуулга тавих тухай албан бичигт:
"Ус бол амьд байгаль, хүн төрөлхтний оршин тогтноход зайлшгүй шаардагдах хамгийн үнэт эрдэнэ юм. Усыг орлуулах өөр бодис байхгүй учраас газрын тос, алт, зэс, нүүрстэй адилтгашгүй. Ус дутагдвал араасаа нийгмийн гүн гүнзгий хямрал, зөрчил дагуулах аюултай.
Өнөөдөр бид стратегийн ач холбогдолтой ашигт малтмалын орд газруудыг нэрлэж, ашиглаж чадаж байна. харин стратегийн ач холбогдолтой гүний усны нөөц, ирээдүйн үүц зэргийг харин тодорхойлж чадаагүй байна.
Дэлхийн улс орнууд усны өнөөгийн хэрэглээг эдийн засгийн үр ашиг, түүний нөхөн сэргээгдэх байдал, өөрөөр хэлбэл бүхий л талуудтай нь уялдуулан ашигладаг, үнэлгээг тогтоодог болсон. Усны талаарх бодлого ч илүү даяарших хандлагатай болсоор байна.
Өнөөдөр уул уурхайн томоохон ордуудыг ашиглаж байгаатай уялдуулан гүйний усны хэрэглээ ихэсч, харин гадаргын усыг бохирдуулсаар байна. Үүнийг ч орон нутгийн малчид, иргэд ихээр эсэргүүцсээр ирсэн. Иймд бид цаашдаа гүний усны нөөцийг үнэлэх, нөөцийн талаарх мэдээллээр тасралтгүй хангаж байх, байгууллагын усны хэрэглээний түвшинг илүү нарийвчлалтай хянах зэрэг олон талт ажлыг хийх шаардлагатай. Мөн гадаргын усны бохирдлыг ч хянадаг, хэмждэг бохирдуулсан эх сурваджийг тов тодорхой болгох шаардлагатай.
Иймд миний бие Монгол Улсын Их Хурлын тухай хуулийн 7 дугаар зүйлийн 7.1.13, 33 дугаар зүйлийн 33.1.2-т заасны дагуу бүрэн эрхийнхээ хүрээнд дараах асуулгыг Танд хандан тавьж байна.
Үүнд:
Эдгээр асуудлыг Засгийн газар анхааралдаа авч судлан хариуг Монгол Улсын Их Хурлын тухай хуульд заасан хугацаанд ирүүлж, Монгол УЛсын Их Хурлын чуулганы нэгдсэн хуралдаанд сонсгохыг хүссэн байна.