Үйл явдал3 мин унших
Ачааны вагон засварыг үүрэлцэх Хөдлөх бүрэлдэхүүний засварын депо байгуулагдлаа

Эх сурвалж:
Ikon.mnОдоохон...
Үйл явдал3 мин унших

Эх сурвалж:
Ikon.mnОдоогоос 10-аад жилийн өмнө “Болдтөмөр Ерөө гол” ХХК-ийн охин компани болох “Монголиан транс ложистик” ХХК 115 км урттай Баянгол төмөр замыг барьж, ашиглалтад оруулж байжээ. Харин энэ удаад дээрх төмөр замаар явдаг өөрийн эзэмшлийн, 3,000 ачааны хагас вагоныг засварлах хүчин чадал бүхий бүрэн автомат засварын депог ашиглалтад оруулав.

Түүнчлэн уул уурхайн олборлолтын чиглэлээр үйл ажиллагаа явуулдаг “Болдтөмөр Ерөө гол” ХХК-ийн 15 жил, тус компанийн дэд бүтэц хариуцсан “Монголиан транс ложистик” ХХК-ийн 10 жилийн ойг угтан байгуулсан 1,500 хүнийг байрлуулах хүчин чадалтай Баянгол цогцолбор хотхоны нээлт энэ үеэр болсон юм.
Тээврийн вагоны засвар, угсралтын хүчин чадал хоёр дахин нэмэгдлээ

Өнөөдрийг хүртэл бүх вагон зүтгүүрийн засварыг Улаанбаатар төмөр замын Зүүнхараа дахь вагон депогийн хамт олон гүйцэтгэдэг байсан. Энэ депо ашиглалтад орсноор Монгол Улсын төмөр замын тээврийн вагоны засвар, угсралтын хүчин чадал хоёр дахин нэмэгдэж байна.
Уг депо нь Зам тээврийн яамнаас лецинзээ авсан учраас цаашдаа бусад хувийн хэвшил, улсын вагонуудын засвар, үйлчилгээг хийх боломжтой. Өмнө нь Зүүнхараагийн вагон депо нийтдээ 7,000 гаруй вагоны засвар, үйлчилгээг хийдэг байсан бол одоо ачааллаа хуваалцах депотой болоод байна” гэлээ.
-Манай депогийн барилга, газар шорооны ажил 2018 оны наймдугаар сарын 20-ноос эхэлсэн. Тоног төхөөрөмж маань бүрэн автомат, сүүлийн үеийн тоон системтэй. Энэ нь хөдөлмөр хөнгөвчилж, аюулгүй ажиллагааг хангах зэрэг олон давуу талтай. Бид ОХУ-ын “Судотехнология” болон ХБНГУ-ын Хятад дахь үйлдвэр “NSH-CTI”-ээс токарийн машин авчирсан. Мөн БНХАУ-ын “Бээжин Тиэкө Хөли”, “Railteco” зэрэг төмөр зам хариуцсан томоохон үйлдвэрүүдийн тоног төхөөрөмжийг авчирч, суурилуулсан.
-Өмнө нь хятад вагоныг Монголд засах боломжгүй байсан. Технологи нь ч байхгүй, тоног төхөөрөмж нь ч байхгүй байсан. “Болдтөмөр Ерөө гол” компани олборлосон төмрийн хүдрээ урд хөрш рүү гаргах 100 гаруй км төмөр замтай. Уг зам дээр явдаг манай эзэмшлийн, ОХУ-д үйлдвэрлэсэн 1,000, БНХАУ-д үйлдвэрлэсэн 2,003 вагонтой. Эдгээр вагоныг засахын тулд засварын депо байгуулах нь зөв юм гэсэн шийдэлд хүрээд, өнөөдөр нээлтээ хийж байна.
-Бид эхний ээлжинд өдөрт гурван вагон засварлана гэж тооцож байгаа. Сард 90, жилд 1,000 вагон засах төлөвлөгөө бий. Засварын баталгааны хугацааг гурван жил гэж тооцсон. Гүйлтээрээ ойролцоогоор 250 мянган км байна.