Б.Баттөмөр: Баримт бичиг бүрдүүлэхгүйгээр конвенцийг яаж хэрэгжүүлэх вэ?

Улсын Их Хурлын 2020 оны намрын ээлжит чуулганы өнөөдрийн /2020.01.03/ нэгдсэн хуралдаанаар Засгийн газраас өнгөрсөн сарын 29-нд өргөн мэдүүлсэн “Татварын асуудлаар захиргааны туслалцаа харилцан үзүүлэх тухай олон талт конвенц”-д нэгдэн орох тухай гэрээний төслийг баталлаа.

Энэ үеэр УИХ-ын гишүүн Б.Баттөмөр

Маш чухал асуудал орж ирж байна. 12 дугаар сард Монгол улс татварын талаар хамтарч ажилладаггүй улсын жагсаалтад орсон үүнй дараа Европын холбооны өмнө 3 амлалт өгч энэ жагсаалтаас гарсан. 

Монгол улсад гадны хөрөнгө оруулалт их орж ирж байгаатай холбогдуулан татвараас зугтах үнэ жилжүүлэх зэрэг олон улсад байдаг гэмт хэрэг их байна. Бид энэ конвенцид нэгдсэнээр энэ зөрчлөөс сэргийлэх боломжтой болж байгаа юм. 

Хоёр асуулт байна. Баримт бичиг бүрдүүлэхгүйгээр конвенцийг  яаж хэрэгжүүлэх вэ? Зах зээлийн эдийн засагт шилжсэн үед манай дарга нар гадаад яваад зурах гэрээ олдохгүй давхар татварын гэрээнд их гарын үсэг зурсан. Давхар татварын гэрээ манайд хэрэггүй. Энэ конвенцид нэгдсэнээр давхар татварын гэрээг цуцлах боломж байгаа юу?