#Тойрог2 мин унших
Өвөрхангай аймгаас сонгогдсон гишүүд тойрогтоо ажиллаж байна

Сэтгүүлч soyolmaa
Одоохон...
#Тойрог2 мин унших

Сэтгүүлч soyolmaa

Шинэ цэвэрлэх байгууламж Азийн хөгжлийн банкны санхүүжилт, БХБЯ-ны захиалгаар “Зүүн өмнөд говийн хот байгуулалт, хилийн ойролцоо суурин газруудын хөгжлийн төсөл”-ийн хүрээнд барихаар болсон.

Цэвэрлэх байгууламж ирэх оноос бүрэн хүчин чадлаараа ажиллаж эхэлнэ. Ингэснээр байгаль орчныг бохирдуулж байгаа,Хужирт суманд ажиллаж буй рашаан сувиллуудаас гарч буй бохир усны асуудал шийдэгдэнэ.

Мөн жуулчид олноор зорьдог газруудын маршрут тодорхойгүйгээс олон зам гарч, энэ нь бэлчээр сүйдэх, хөрс эвдэх гол шалтгаан болж байна хэмээн иргэд шүүмжилж байсан. Уулзалтын үеэр нутгийн ахмадууд өөрийн гэсэн байртай болох, хүүхэд залуучууд Спорт заалтай болох хүсэлт гаргаж байсан юм.
Өвөрхангай аймгаас сонгогдсон гишүүд Уянга суманд хоёр уулзалт хийлээ. Жаргалант баг болон сумын төвд хийсэн уулзалтуудын үеэр иргэд сум орон нутагт тулгамдаж байгаа олон асуудлын талаар ярьсан.

Уулзалтын үеэр ярьсан бас нэг асуудал нь сум орон нутагт жижиг дунд үйлдвэр хөгжүүлэх, хөдөлмөр эрхлэлтийг дэмжиж ажлын байрыг нэмэгдүүлэхэд чиглэсэн жижиг зээлүүд хүндээ хүрэхгүй байгааг гишүүдэд уламжилж байлаа.

Уянга суманд 1.7 тэрбумаар 100 хүүхдийн багтаамжтай дотуур байр ашиглалтанд орлоо. Ингэснээр хөдөөгийн малчдын хүүхдүүд тав тухтай орчинд амьдарч, сурч боловсрох боломж нэмэгдэж буй юм. Мөн тус сумын 2 сургууль унаатай болсон.

УИХ-ын гишүүн С.Чинзориг, Д.Тогтохсүрэн, Г.Ганболд нар тойрогтоо ажиллаж, иргэд сонгогчидтойгоо уулзаж санаа бодлыг нь сонсох, тулгамдаж буй асуудлыг нь шийдэх гарц гаргалгааг ярилцахын хамт төсөвт байгууллагуудаар орж, төрийн албан хаагчидтай ярилцаж, улсын төсвөөр хийгдэж буй бүтээн байгуулалтын ажлын явцтай танилцаж байна. Мөн малын чанар, бэлчээрийн доройтол, боловсролын чанар, хүртээмжийн талаар иргэдийн санал, бодлыг сонсож, гарц шийдлийн талаар ярилцсан юм.

