Байр суурь3 мин унших
Ж.Сүхбаатар: Хууль тогтоомжийн хэрэгжилтийн дундаж биелэлтийг хэрхэн дүгнэж байна вэ?
Сэтгүүлч Tuya
Одоохон...
Байр суурь3 мин унших
Сэтгүүлч Tuya
Хуулийн төслийн хэлэлцүүлгийн үеэр ажлын хэсэг болон байнгын хорооны дүгнэлттэй холбоотойгоор УИХ-ын гишүүд асуулт асууж, санал хэллээ.
Хууль тогтоомжийг боловсронгуй болгох тогтоомж байнга орж ирдэг. Үүнийгээ үнэлж дүгнэн, мониторинг хийж Хууль зүйн яам оруулж ирдэг. Өнгөрсөн хугацаанд Хууль тогтоомжийг боловсронгуй болгох үндсэн чиглэлд ерөнхий дундаж биелэлт ямар байна вэ?
Тэгэхээр зээлийн хүүтэй холбогдох хууль тогтоомжууд юу болж байна вэ? "Шүгэл үлээгчийн тухай хууль"-ийг 2022-2023 он гээд тавьчихсан байна. Их хурлын дарга Г.Занданшатар өнгөрсөн жил үүн дээр анхаарал хандуулсан. Би ахлах зөвлөх нь байсан. Авлигатай тэмцэх газар төслөө бэлдсэн. Д.Цогтбаатар гишүүн бас урьд нь төсөл санаачилж байсан. Энэ асуудлыг чинь Европын холбоо, хүний эрхийн байгууллагууд, хараад байгаа. Авлитай тэмцэх үндэсний хөтөлбөрт энэ чиглэлийн үүрэг даалгавар дутуу байна гээд явж байдаг. Үүнийг яагаад хойш нь тавьсан бэ? Ойрын үед оруулж ирэх хэрэгтэй байна гээд Их хурлын дарга хэд хоногийн өмнө хэлээд байсан. Уг нь эрэмблэх юман дээрээ анхаармаар байгаа юм.
Сая Хүний эрхийн өдөр үүнийг оруулаад, батлаад явсан бол бид нар ОУ-ын түвшиндөө, ковидийн энэ үед, Хүний эрхийн асуудал хурц тавигдаж байгаа үед бол Шүгэл үлээгч, Хүний эрхийн тухай асуудал хурц тавигдаад байгаа юм. Энэ талаар Хууль зүйн сайд юу бодож байна вэ?
Ер нь бол хуульд өөрчлөлт оруулах сайн биш. Хууль гэдэг бол төрийн бодлого. Хуулийг олон удаа тонгочуулж өөрчилнө гэдэг бол бодлого тонгочоод тогтворгүй болж байгаа. Монгол Улсын тогтворгүй байгаа шалтгаан бодлого тогтворгүй байна гээд байгаа юм. Түүний цаад үг нь бол хууль тогтворгүй байна гэсэн үг. Олон хуульд оочин цоочин өөрчлөлт оруулах нь бидний зорилго биш. Нийгмийн хэрэгцээ шаардлагыг тусгаж чадсан уу гэдэгт байгаа юм.
Манай ЗГ-ын дөрвөн жилийн хугацаанд салбарын хууль тогтоомжуудыг хэрхэн боловсронгуй болгох вэ гэдэг үндсэн хөтөлбөр нь юм. Хэлэлцэх асуудлаа боловсруулж авдаг тогтсон уламжлал сүүлийн таван парламент дамжиж ирсэн.