Шинэ хөдөө” төслийн хүрээнд Дорноговь аймгийн тариалан эрхлэгчид техник, хэрэгсэл гардууллаа

Улсын Их Хурлын гишүүн Б.Дэлгэрсайхан, Т.Энхтүвшин нарын санаачилсан “Шинэ хөдөө” төслийн хүрээнд Солонгос Улсад үйлдвэрлэсэн хүлэмж, тармуур, комбайн, 20 трактор, усны нөөцийн сав зэргийг сумдын хүнсний ногоо эрхлэгч, компани аж ахуйн нэгжүүдэд өнөөдөр гардууллаа.

Дорноговь аймаг хүн амын махны хэрэгцээний 100 хувь, сүүний хэрэгцээний 76 хувь, өндөгний хэрэглээний 60 хувь, гурилан бүтээгдэхүүний 5,4 хувь, төмс, хүнсний ногооны 10,7 хувийг тус тус хангаж байна.

Шинэ хөдөө” төслийн хүрээнд Дорноговь аймгийн тариалан эрхлэгчид 80 орчим хувьтай тариалалтаа хийж байгаа аж. Ташрамд дурдахад Монгол Улсын Ерөнхийлөгчийн санаачилсан “Хүнсний хангамж аюулгүй байдал” үндэсний хөдөлгөөний хэрэгжилтийг орон нутагт эрчимжүүлэн, жижиг дунд үйлдвэрлэлийг дэмжих, хүнсний ногоогоо өөрсдөө тариалах, ажлын байрыг нэмэгдүүлэх зорилгоор “Шинэ хөдөө” төслийг хэрэгжүүлж байгаа аж.