Үйл явдал1 мин унших
Дарханы Төмөрлөгийн үйлдвэрт ажиллалаа

Төмөрлөг үйлдвэрлэл
Засгийн газрын 14 мега төслийн нэг нь “Дарханы Төмөрлөгийн үйлдвэр”-ийг түшиглэсэн Гангийн үйлдвэр юм. Тус үйлдвэрийг барьж байгуулах тухай тогтоолыг Засгийн газар өнгөрсөн сард баталсан.
Энэ хүрээнд Монгол Улсын сайд, ЗГХЭГ-ын дарга Н.Учрал, “Эрдэнэс Монгол” ХХК-ийн Гүйцэтгэх захирал С.Наранцогт болон холбогдох албаны хүмүүсийн хамт өнөөдөр “Дарханы Төмөрлөгийн үйлдвэр” ХХК-д ажиллав.
Энэ үйлдвэр ашиглалтад орсноор жилд нэг саяас дээш хэмжээний ган үйлдвэрлэж, дотоодынхоо гангийн хэрэгцээг бүрэн хангах, 2028 онд 1200 ажлын байр бий болгохын зэрэгцээ жил бүр гадаад руу алдаж буй 700-800 сая ам.долларын урсгалыг багасгах юм.“Дарханы Төмөрлөгийн үйлдвэр” ХХК-ийг 2022 оны 4-дүгээр сард Монгол Улсын Засгийн газрын шийдвэрээр төр буцаан авч, удирдлага менежментийг шинэчилсэн.


